டுகாடி பனிகேல் வி 4

இதன் விலை சுமார் ரூ.26.49 லட்சம். இதில் வி 4 எஸ் மாடலின் விலை சுமார் ரூ.31.99 லட்சம், வி 4 எஸ்.பி 2 மாடல் விலை சுமார் ரூ.40.99 லட்சம். முந்தைய மாடலை விட இதன் விலை ரூ.3 லட்சம் அதிகமாகும். அதற்கேற்ப இதில் பல வகை மாற்றங்கள் செய்யப்பட்டுள்ளன. இதில் இரண்டு விதமான ஓட்டும் நிலைகள் (புல் மற்றும் லோ) உள்ளன.

இது 1,103 சி.சி. திறன் கொண்டது. 21.5 ஹெச்.பி. திறனை 13 ஆயிரம் ஆர்.பி.எம். சுழற்சியிலும், 123.6 நியூட்டன் மீட்டர் டார்க் இழுவிசையை 9,500 ஆர்.பி.எம். சுழற்சியிலும் வெளிப்படுத்தும். இது 6 கியர்களைக் கொண்டது. இதன் பெட்ரோல் டேங்க் 17 லிட்டர் கொள்ளளவு கொண்டது. லிமிடெட் எடிஷனாக மிகக் குறைந்த எண்ணிக்கையில் இது தயாரிக்கப்பட்டுள்ளது. இதன் சக்கரம் வலுவேற்றப்பட்ட மக்னீசியம் உலோகத்தால் ஆனது.