குடும்ப பிரச்சினை காரணமாக தம்பியை கொல்ல முயன்ற அண்ணன் உள்பட 4 பே்ா கைது

மும்பை,

குடும்ப பிரச்சினை காரணமாக தம்பியை கொல்ல முயன்ற அண்ணன் உள்பட 4 பேரை போலீசார் கைது செய்தனர்.

தாக்குதல்

மும்பை நாக்பாடாவை சேர்ந்தவர் இம்ரான். இவரை கடந்த மாதம் 31-ந்தேதி மர்மகும்பல் இரும்பு கம்பியால் சரமாரியாக தாக்கி விட்டு தப்பி சென்றது. இதில் படுகாயம் அடைந்த அவர் ஆஸ்பத்திரியில் சிகிச்சை பெற்று உயிர் பிழைத்தார். பின்னர் சம்பவம் குறித்து போலீசில் புகார் அளித்தார். இந்த புகாரின் படி போலீசார் வழக்கு பதிவு செய்து கண்காணிப்பு கேமராவை ஆய்வு செய்து விசாரணை நடத்தினர்.

4 பேர் கைது

இந்த தாக்குதல் சம்பவத்தில் இம்ரானின் அண்ணன் இர்பான் நமக்வாலா(46) என்பவருக்கு தொடர்பு இருப்பது தெரியவந்தது. இதையடுத்து அவரை போலீசார் கைது செய்தனர். மேலும் அவர் கொடுத்த தகவலின்பேரில் தாக்குதலில் ஈடுபட்ட விரார் மற்றும் சிவ்ரி பகுதியில் பதுங்கி இருந்த மேலும் 3 பேரை போலீசார் பிடித்து கைது செய்தனர். குடும்ப பிரச்சினை காரணமாக தம்பி இம்ரானை அவரது அண்ணனே நண்பர்களுடன் சேர்ந்து கொல்ல முயன்றது விசாரணையில் தெரியவந்தது.