மத்திய வெளியுறவுத்துறை மந்திரி ஜெய்சங்கருக்கு பாதுகாப்பு அதிகரிப்பு

புதுடெல்லி,

மத்திய வெளியுறவுத்துறை மந்திரி ஜெய்சங்கருக்கு தற்போது 'ஒய்' பிரிவு பாதுகாப்பு அளிக்கப்பட்டு வருகிறது. அதன்கீழ், துப்பாக்கி ஏந்திய டெல்லி போலீஸ் குழு, பாதுகாப்பு அளித்து வருகிறது.

இந்நிலையில், அதைவிட உயர் பாதுகாப்பான 'இசட்' பிரிவு பாதுகாப்பு அளிக்க மத்திய உள்துறை அமைச்சகம் ஒப்புதல் அளித்துள்ளது. ஜெய்சங்கரின் பாதுகாப்பு பொறுப்பை மத்திய ரிசர்வ் போலீஸ் படையிடம் (சி.ஆர்.பி.எப்.) ஒப்படைத்துள்ளது.

அதன்படி, நாட்டின் எந்த பகுதிக்கு ஜெய்சங்கர் சென்றாலும், துப்பாக்கி ஏந்திய 14 அல்லது 15 சி.ஆர்.பி.எப். கமாண்டோக்கள் 24 மணி நேரமும் 'ஷிப்ட்' அடிப்படையில் அவருக்கு பாதுகாப்பு அளிப்பார்கள் என்று மத்திய அரசு வட்டாரங்கள் தெரிவித்துள்ளன