டெல்லியில் பிரதமர் மோடியுடன் தெலுங்கானா முதல்-மந்திரி ரேவந்த் ரெட்டி சந்திப்பு

புதுடெல்லி,

தெலுங்கானா மாநிலத்தில் அண்மையில் நடந்த சட்டசபை தேர்தலில் காங்கிரஸ் கட்சி வெற்றி பெற்று முதல் முறையாக ஆட்சியை கைப்பற்றியது. இதையடுத்து மாநில காங்கிரஸ் தலைவர் ரேவந்த் ரெட்டி முதல்-மந்திரியாக பதவி ஏற்றுக்கொண்டார். மாநிலத்தின் துணை முதல் மந்திரியாக பட்டி விக்ரமர்கா பதவியேற்றார்.

இந்நிலையில், தெலுங்கானா மாநில முதல்-மந்திரி ரேவந்த் ரெட்டி இன்று தலைநகர் டெல்லியில் பிரதமர் மோடியை சந்தித்து பேசினார். அப்போது துணை முதல்-மந்திரியும் உடனிருந்தார். இந்த சந்திப்பின்போது தெலுங்கானா மாநில வளர்ச்சித்திட்டங்கள் மற்றும் நிலுவையில் உள்ள நிதிப்பகிர்வுகள் ஆகியவை குறித்த கோரிக்கை மனுவை பிரதமரிடம் ரேவந்த் ரெட்டி வழங்கினார்.