இமாச்சல பிரதேசத்தில் டீ கடைக்காரருக்கு எம்எல்ஏ சீட்: பாஜகவில் மட்டுமே இது சாத்தியம் - வேட்பாளர் சஞ்சய் சூட் நெகிழ்ச்சி!

சிம்லா,

இமாச்சல பிரதேச சட்டசபை தேர்தலுக்கான பாஜக வேட்பாளர் பட்டியலை வெளியிட்டதில் இருந்தே சஞ்சய் சூட் என்பவர் பிரபலமாகி இருக்கிறார். சஞ்சய் சூட்(57 வயது) சிம்லாவில் டீக்கடை நடத்தி வருகிறார்.

சிம்லா நகர்ப்புற தொகுதியில், நான்கு முறை எம்.எல்.ஏ.வாக இருந்தவரும், முன்னாள் அமைச்சருமான சுரேஷ் பரத்வாஜ்க்குப் பதிலாக சஞ்சய் சூட்டை நிறுத்த பாஜக முடிவு செய்துள்ளது. சஞ்சய் சூட் சிம்லா நகர்ப்புறத்தில் வசிப்பவர். 2007ல் நடந்த கவுன்சிலர் தேர்தலில் பாஜக சார்பில் போட்டியிட்டார். சஞ்சய் சூட் ஒரு கடின உழைப்பாளி மற்றும் போர்க்குணமிக்க தொழிலாளியாக கட்சியில் அங்கீகரிக்கப்பட்டவர். அதனால் அவரை தேர்தலில் போட்டியிட வைக்க கட்சி முடிவு செய்துள்ளது.

இந்த நிலையில், இமாச்சல பிரதேச சட்டசபை தேர்தலுக்கான வேட்புமனு தாக்கல் தொடங்கியது. இதற்கிடையில், சிம்லா நகர்ப்புற நகர்ப்புற தொகுதியில் பாரதிய ஜனதா கட்சியின் வேட்பாளர் சஞ்சய் சூட் நேற்று வேட்புமனு தாக்கல் செய்தார். இந்த தொகுதி பாஜகவின் சாதகமான தொகுதி என்று கருதப்படுகிறது.

சஞ்சய் சூட் கட்சியால் நியமனம் செய்யப்பட்டதையடுத்து மகிழ்ச்சியை வெளிப்படுத்தியதோடு, பிரதமர் நரேந்திர மோடிக்கு நன்றி தெரிவித்தார்.

வேட்புமனு தாக்கலின் போது, ​​செய்தியாளர்களிடம் பேசிய சஞ்சய் சூட், "தேர்தலில் சிறு தொழிலாளி ஒருவரை கட்சி வேட்பாளராக நிறுத்தியுள்ளது, அதற்காக நானும் மற்றும் அனைத்து கட்சி தொண்டர்களும் எனது நன்றியை தெரிவித்துக் கொள்கிறோம். பிரதமர் மோடியை போன்ற தலைவர் உலகில் இல்லை. பாஜகவில் மட்டுமே சாதாரண டீக்கடை தொழிலாளி கூட சட்டசபை தேர்தலில் வேட்பாளராக களம் காண முடியும்" என்றார்.

அப்பகுதியில், பிரதமர் மோடியுடன் சஞ்சய் சூட்டை தொழிலாளர்கள் ஒப்பிட்டு பேசுகின்றனர். 2017 ஆம் ஆண்டில் போட்டியாளராக களம் காண சஞ்சய் சூட்டின் பெயர் அடிபட்டாலும். ஆனால், நான்கு முறை எம்.எல்.ஏ.வாகவும், முன்னாள் அமைச்சருமான சுரேஷ் பரத்வாஜுக்கு அந்த காலகட்டத்தில் சீட் வழங்கப்பட்டது. ஆனால், இத்தேர்தலில், சஞ்சய் சூட்க்கு, அக்கட்சி சீட் வழங்கியுள்ளது.