மருத்துவ மேற்படிப்புகளுக்காக நடத்தப்படும் நீட் தேர்வு தேதி மாற்றம்

புதுடெல்லி,

எம்டி, எம்எஸ், டிப்ளமோ மற்றும் எம்டிஎஸ் ஆகிய மருத்துவ பட்ட மேற்படிப்புகளுக்கான நீட் முதுநிலை தேர்வு ஆண்டுதோறும் நடத்தப்பட்டு வருகிறது. தேசிய தேர்வு முகமை இந்த தேர்வை நடத்தி வருகிறது. நடப்பு ஆண்டு இந்த தேர்வு வரும் மார்ச் மாதம் 3 ஆம் தேதி நடத்தப்படும் என்று அறிவிக்கப்பட்டு இருந்தது.

இந்த நிலையில், முதுநிலை படிப்புகளுக்கான நீட் தேர்வு மார்ச் 3-ம் தேதிக்கு பதிலாக ஜூலை 7-ம் தேதி நடைபெறும் என்று தேசிய தேர்வு முகமை அறிவித்துள்ளது. முதுநிலை படிப்புகளுக்கான கட் ஆஃப் ஆகஸ்ட் 15 ஆம் தேதி வெளியாகும் என்றும் அறிவிக்கப்பட்டுள்ளது.