தேசிய டாக்டர்கள் தினம்: ராகுல் காந்தி வாழ்த்து

புதுடெல்லி,

புகழ்பெற்ற டாக்டரும், மேற்கு வங்காள முன்னாள் முதல்-மந்திரியுமான பிதன் சந்திர ராயின் நினைவாக ஜூலை 1-ந் தேதி டாக்டர்கள் தினமாக கடைப்பிடிக்கப்படுகிறது. பிதன் சந்திர ராய் பிறந்த, மறைந்த தினம் ஜூலை 1 ஆகும்.

டாக்டர்கள் தினத்தையொட்டி காங்கிரஸ் முன்னாள் தலைவர் ராகுல் காந்தி எம்.பி. வாழ்த்து தெரிவித்து உள்ளார்.

இது தொடர்பாக அவர் வெளியிட்டுள்ள டுவிட்டர் பதிவில், "இந்த மருத்துவர்கள் தினத்தில், இந்தியா முழுவதும் உள்ள மருத்துவர்களின் அர்ப்பணிப்பு, உறுதிப்பாடு மற்றும் விடாமுயற்சிக்கு நான் தலை வணங்குகிறேன். உங்கள் சேவைக்கு நாங்கள் அனைவரும் நன்றி சொல்ல கடமைப்பட்டுள்ளோம்". இவ்வாறு அவர் பதிவிட்டுள்ளார்.