கர்நாடகாவில் இன்று நடைபெறும் சித்தராமையா பதவியேற்பு விழாவில் மம்தா பானர்ஜி பங்கேற்கமாட்டார்திரிணாமுல் காங்கிரஸ் அறிவிப்பு

கொல்கத்தா,

கர்நாடகாவின் புதிய முதல்-மந்திரியாக சித்தராமையா இன்று (சனிக்கிழமை) பதவியேற்கிறார். இந்த விழாவில் பங்கேற்க பல்வேறு மாநில முதல்-மந்திரிகளுக்கு காங்கிரஸ் கட்சி அழைப்பு விடுத்து உள்ளது.

அந்தவகையில் மேற்கு வங்காள முதல்-மந்திரியும், திரிணாமுல் காங்கிரஸ் தலைவருமான மம்தா பானர்ஜிக்கும், காங்கிரஸ் தலைவர் மல்லிகார்ஜுன கார்கே அழைப்பிதழ் அனுப்பினார்.

ஆனால் இந்த விழாவில் மம்தா பானர்ஜி பங்கேற்கமாட்டார் என திரிணாமுல் காங்கிரஸ் கூறியுள்ளது. அவருக்கு பதிலாக கட்சியின் மூத்த தலைவர்களில் ஒருவரான ககோலி கோஷை அனுப்பி வைப்பதாக கூறப்பட்டு உள்ளது.

இது தொடர்பாக கட்சியின் மாநிலங்களவை தலைவர் டெரிக் ஓபிரையன் தனது டுவிட்டர் தளத்தில், 'கர்நாடகா புதிய முதல்-மந்திரி சித்தராமையாவுக்கு திரிணாமுல் காங்கிரஸ் தலைவர் மம்தா பானர்ஜி தனது வாழ்த்துகளை தெரிவித்தார். இந்த விழாவில் கட்சியின் மக்களவை துணைத்தலைவர் பங்கேற்பார்' என கூறியிருந்தார்.