'அடுத்த இரண்டரை ஆண்டுகளில் இந்தியா 5 டிரில்லியன் டாலர் பொருளாதாரமாக மாறும்' - பியூஷ் கோயல்

புதுடெல்லி,

அடுத்த இரண்டரை ஆண்டுகளில் இந்தியாவின் பொருளாதாரம் 5 டிரில்லியன் டாலர் பொருளாதாரமாக மாற்றமடையும் என மத்திய மந்திரி பியூஷ் கோயல் நம்பிக்கை தெரிவித்துள்ளார். இது தொடர்பாக டெல்லியில் நடைபெற்ற நிகழ்ச்சி ஒன்றில் அவர் பேசியதாவது;-

"2027-ம் ஆண்டு இந்தியா உலகின் 3-வது மிகப்பெரிய பொருளாதாரமாக உயரும் என பிரதமர் மோடி உறுதியளித்துள்ளார். அதிலும் குறிப்பாக, அடுத்த இரண்டரை ஆண்டுகளில் இந்தியாவின் பொருளாதாரம் 5 டிரில்லியன் டாலர் பொருளாதாரமாக மாற்றமடையும். இது ஒரு குறிப்பிடத்தக்க சாதனையாக விளங்கும்.

இந்தியாவின் பொருளாதாரம் சர்வதேச அளவில், குறைந்த பணவீக்கம் மற்றும் அதிக வளர்ச்சி விகிதத்தோடு மிக வேகமாக வளர்ந்து வரும் பொருளாதாரமாக திகழ்கிறது."

இவ்வாறு பியூஷ் கோயல் தெரிவித்தார்.