இமாச்சலபிரதேச சட்டசபை தேர்தல்: காங்கிரஸ் கட்சியின் மூன்றாவது கட்ட வேட்பாளர்கள் பட்டியல் வெளியீடு!

சிம்லா,

இமாச்சலப் பிரதேச சட்டசபை தேர்தலுக்கான மூன்றாவது கட்ட வேட்பாளர்கள் பட்டியலை காங்கிரஸ் கட்சி இன்று வெளியிட்டது.

இமாச்சலப் பிரதேசத்தில் உள்ள 68 சட்டசபை தொகுதிகளுக்கு, நவம்பர் 12-ம் தேதி வாக்குப்பதிவு நடைபெற உள்ளது.வேட்புமனு தாக்கல் செய்ய அக்டோபர் 25 கடைசி நாள். அங்கு ஆளுங்கட்சியாக உள்ள பாஜகவிடம் இருந்து ஆட்சியை கைப்பற்ற காங்கிரஸ் தீவிரமாக களம் காணுகிறது.

இந்த நிலையில்,4 வேட்பாளர்கள் அடங்கிய மூன்றாவது வேட்பாளர்கள் பட்டியலை காங்கிரஸ் கட்சி இன்று வெளியிட்டது.

அதன்படி, கின்னவுர்-எஸ்டி தொகுதியில் தற்போதைய எம்எல்ஏ ஜகத் சிங் நேகியை மீண்டும் வேட்பாளராக நியமிக்கப்பட்டுள்ளார்.ஜெய்சிங்பூர்-எஸ்சி தொகுதியில் இருந்து யாத்விந்தர் கோமா நியமிக்கப்பட்டுள்ளார்.

இமாச்சலப் பிரதேச இளைஞர் காங்கிரஸ் தலைவர் நிகம் பண்டாரி, கின்னாரிலிருந்து கட்சியின் வேட்பாளராக விரும்பினார். மணாலி தொகுதியில் இருந்து புவனேஷ்வர் கவுர், போண்டா சாஹிப் தொகுதியில் இருந்து கிர்ணேஷ் ஜங் நியமிக்கப்பட்டுள்ளனர்.