திரிபுரா சட்டப்பேரவைத் தேர்தல்: நாளை தேர்தல் அறிக்கையை வெளியிடுகிறது பாஜக

புதுடெல்லி,

திரிபுராவில் 60 தொகுதிகளுக்கான தேர்தல் பிப்ரவரி 16ஆம் தேதி நடைபெற உள்ளது. இந்த தேர்தலுக்கான தேர்தல் அறிக்கையை பாரதிய ஜனதா கட்சியின் தேசிய தலைவர் ஜேபி நட்டா நாளை வெளியிடுவார் என அக்கட்சி வட்டாரங்கள் தெரிவிக்கின்றன.

திரிபுரா சட்டசபை தேர்தலுக்கான தேர்தல் அறிக்கையை நாளை ஜேபி நட்டா வெளியிடுவார். அதே தேதியில் அவர் திரிபுராவுக்கு வருவார் என அந்த வட்டாரம் தெரிவித்தது.

"மாநிலத்தின் வளர்ச்சிக்கு முக்கியமான பல புதிய அம்சங்கள் தேர்தல் அறிக்கையில் சேர்க்கப்பட்டுள்ளன. மோடி அரசு எப்போதும் வடகிழக்கு வளர்ச்சியைப் பற்றியே சிந்திக்கிறது. அவரது பார்வை மாநிலத்தின் வளர்ச்சி மற்றும் மிக முக்கியமாக இளைஞர்கள் என்றும் கூறப்பட்டு உள்ளது.

தேர்தல் அறிக்கையை வெளியிட்ட பிறகு, திரு நட்டா ஒரு பொது பேரணியில் உரையாற்ற உள்ளார்.

திரிபுராவின் 60 தொகுதிகளுக்கான தேர்தல் பிப்ரவரி 16ஆம் தேதி நடைபெற உள்ளது. மேகாலயா மற்றும் நாகாலாந்தில் பிப்ரவரி 27ஆம் தேதி வாக்குப்பதிவு நடைபெற உள்ளது. மூன்று மாநிலங்களுக்கும் ஒரே நேரத்தில் மார்ச் 2-ம் தேதி வாக்கு எண்ணிக்கை நடைபெறுகிறது.