வருகிற 1-ந் தேதி பன்னரகட்டா பூங்கா திறப்பு

பெங்களூரு:

பெங்களூரு புறநகர் மாவட்டம் ஆனேக்கல் தாலுகாவில் பன்னரகட்டா உயிரியல் பூங்கா உள்ளது. இந்த பூங்கா வாரந்தோறும் செவ்வாய்க்கிழமை விடுமுறை என்பதால், பூங்கா மூடப்படும். ஆனால் வருகிற 1-ந் தேதி (நவம்பர்) கன்னட ராஜ்யோத்சவா விழா நடைபெற உள்ளது. அன்றைய தினம் செவ்வாய்க்கிழமை ஆகும். கன்னட ராஜ்யோத்சவாவையொட்டி பன்னரகட்டா பூங்காவுக்கு மக்கள் வருகை தருவார்கள் என்பதால், வருகிற 1-ந் தேதி செவ்வாய்க்கிழமையாக இருந்தாலும், பூங்கா திறக்கப்பட்டு இருக்கும் என்றும், விடுமுறை இல்லை என்றும், எனவே பொதுமக்கள் வருகை தரலாம் என்றும் பூங்கா நிர்வாகி வெளியிட்டுள்ள அறிக்கையில் கூறியுள்ளார்.