சிபிஐக்கான பொது ஒப்புதலை 9 மாநிலங்கள் திரும்பப் பெற்றுள்ளன - மத்திய மந்திரி ஜிதேந்திர சிங்

புதுடெல்லி,

தெலுங்கானா, மேகாலயா உள்ளிட்ட 9 மாநிலங்கள் சி.பி.ஐ.க்கு அளித்த பொது ஒப்புதலை திரும்ப பெற்றுள்ளதாக மத்திய மந்திரி ஜிதேந்திர சிங் தெரிவித்துள்ளார்.

சத்தீஸ்கார், ஜார்கண்ட், கேரளா, மேகாலயா, மிசோரம், பஞ்சாப், ராஜஸ்தான், தெலுங்கானா மற்றும் மேற்கு வங்காளம் ஆகிய மாநிலங்கள் சிபிஐ-க்கு அளித்த பொது ஒப்புதலை திரும்பப் பெற்றுள்ளதாக தெரிவித்துள்ளார். மக்களவையில் இது தொடர்பான எழுத்துப்பூர்வ கேள்விக்கு மத்திய மந்திரி ஜிதேந்திர சிங் பதிலளித்துள்ளார்.

டெல்லி சிறப்பு போலீஸ் ஸ்தாபன சட்டம், 1946-ன் படி, மாநிலத்தில் சிபிஐ விசாரணை நடத்த மாநில அரசுகளிடமிருந்து ஒப்புதல் பெற வேண்டும்.

சில குறிப்பிட்ட குற்றங்கள் குறித்து விசாரணை மேற்கொள்ள மாநில அரசுகள் சிபிஐக்கு பொது ஒப்புதலை வழங்கியுள்ளன. இதன்மூலம் சிபிஐ அந்த குறிப்பிட்ட வழக்குகள் பதிவு செய்து விசாரிக்க முடியும்.