7 தேசிய கட்சிகளின் 66% வருமானம் அடையாளம் தெரியாத நபர்களிடம் வந்தவை- ஆய்வில் அதிர்ச்சி

புதுடெல்லி

ஜனநாயக சீர்திருத்தங்களுக்கான கூட்டமைப்பு என்ற அமைப்பு நடத்திய ஆய்வில், பா.ஜ.க, காங்கிரஸ், திரிணாமுல் காங்கிரஸ், தேசியவாத காங்கிரஸ், 2 இடதுசாரிக் கட்சிகள், தேசிய மக்கள் கட்சி ஆகிய கட்சிகளுக்கு 2021-2022ம் ஆண்டில் அடையாளம் தெரியாத நபர்களிடம் இருந்து 2,172 கோடி ரூபாய் வருமானம் கிடைத்திருப்பதாகவும், இது மொத்த வருமானத்தில் 66 சதவீதம் என்றும் தெரிவிக்கப்பட்டுள்ளது.

நன்கொடை தொடர்பான சட்டவிதிகளில் 20 ஆயிரத்துக்கும் குறைவான தொகையை கணக்கில் தெரிவிக்க வேண்டியதில்லை என கூறப்பட்டுள்ளது. அதுபோலவே 66 சதவீத தொகை திரட்டப்பட்டுள்ளது என அறிக்கையில் கூறப்பட்டுள்ளது.

2021-22 நிதியாண்டில், தெரியாத நபர்களிடம் ரூ.1,161 கோடி வருமானம் என பாஜக அறிவித்தது, இது தேசியக் கட்சிகளின் மொத்த வருமானத்தில் 53.45 சதவீதமாகும்.

"பாஜகவின் இந்த வருமானம், மற்ற ஆறு தேசியக் கட்சிகள் அறிவித்துள்ள மொத்த வருமானத்தை விட ரூ.149.86 கோடி அதிகம்.

திரிணாமுல் காங்கிரஸ் ரூ.528 கோடியை தெரியாத நபர்களிடம் இருந்து வருமானமாக வந்ததாக அறிவித்தது, இது தேசியக் கட்சிகளின் மொத்த வருமானத்தில் 24.31 சதவீதமாகும்.