அடுத்த பிரதமர் பிராந்திய கட்சியிலிருந்துதான் - அகிலேஷ் யாதவ் நம்பிக்கை

80 தொகுதிகளை கொண்ட உ.பி.யில் சமாஜ்வாடி மற்றும் பகுஜன் சமாஜ் கட்சி கூட்டணி அமைத்து போட்டியிடுகிறது. பா.ஜனதா, காங்கிரஸ் தனித்து போட்டியிடுகிறது. இந்நிலையில் சமாஜ்வாடி கட்சியின் தலைவர் அகிலேஷ் யாதவ் பேசுகையில், நாட்டின் அடுத்த பிரதமரை பிராந்திய கட்சிகள்தான் வழங்கும், காங்கிரஸ், பா.ஜனதாவைவிட மாநிலக் கட்சிகள் அதிகமான தொகுதிகளில் வெற்றிப்பெறும். நான் பிரதமர் பதவிக்கான போட்டியில் இல்லை, எங்கள் மாநிலத்தில் பிரதமர் வந்தால் மகிழ்ச்சியடைவேன் எனக் கூறியுள்ளார்.

உ.பி.முன்னாள் முதல்வரும், பகுஜன் சமாஜ் தலைவருமான மாயாவதி பிரதமர் ஆக வேண்டும் என்ற கனவில் உள்ளார். இப்போது அகிலேஷ் யாதவ் அவர் பிரதமராக ஆதரவை வழங்கியுள்ளார்.