<
7-வது ஊதிய ஆணைக்குழு: பேராசிரியர்களுக்கு மாதத்திற்கு ரூ.40,000 வரை சம்பள உயர்வு கிடைக்கும்
7-வது ஊதிய ஆணைக்குழு பரிந்துரையில் மோடி அரசின் அறிவிப்பு மூலம் பேராசிரியர்களுக்கு மாதத்திற்கு ரூ.40,000 வரை சம்பள உயர்வு கிடைக்கும்.
புதுடெல்லி
2019 ஆம் ஆண்டுக்கான லோக்சபா தேர்தல் வரும் நிலையில் ஒவ்வொரு மாநிலத்திலும் பேராசிரியர்களுக்கும், ஆசிரியர்களுக்கும் நரேந்திர மோடி அரசு ஊதிய உயர்வை அறிவித்துள்ளது.
7-வது ஊதியக் குழுவின் நன்மைகள் 2016 ஆம் ஆண்டு ஜனவரி 1 முதல் அமலுக்கு வரும்.
ஆசிரியர்கள் மட்டுமல்ல, பல்கலைக் கழகங்களிலும் கல்லூரிகளிலும் உள்ள மற்ற ஊழியர்களுக்கும் புதிய ஊதிய உயர்வு கிடைக்கும் என்று மத்திய அரசு கூறியுள்ளது.
லக்னோ பல்கலைக்கழக அசோசியேட்டட் கல்லூரி ஆசிரியர் சங்க (LUACTA) தலைவர் மனோஜ் பாண்டே Zeebiz.com இணையதளத்திற்கு கூறியதாவது:-
7-வது சம்பள கமிஷன் செயல்படுத்தப்படுவது பேராசிரியர்களுக்கு ரூ. 40,000 சம்பளத்தை அதிகரிக்கும். அதே சமயம் ஊழியர்களுக்கு மாதத்திற்கு 7,000 ரூபாய் வரை அதிகம் கிடைக்கும்.
பல்கலைக்கழக ஆசிரியர்கள் மற்றும் ஊழியர்களின் சம்பளத்தை அதிகரிக்க நவம்பர் 2-ம் தேதி பல்கலைக்கழக கிராண்ட் ஆணைக்குழு (UGC) ஒரு அறிவிப்பை வெளியிட்டது. இருப்பினும், பல மாநிலங்கள் இந்த உத்தரவை நடைமுறைப்படுத்தவில்லை. ஆனால் இப்போது, மத்திய அரசாங்கம் முடிவை எட்டிய பிறகு, அது நாடு முழுவதும் நடைமுறைப்படுத்தப்படும்.
மத்திய அரசு கல்வி ஊழியர்களுக்கு சம்பள உயர்வை அறிவிக்கவில்லை, ஆனால் புதிய ஊதிய அளவை நடைமுறைப்படுத்தும் நிறுவனங்களுக்கு நிவாரணமளித்துள்ளது. நிலுவைத் தொகையை செலுத்துவதில் 50 சதவிகிதம் செலவாகும் என்று அரசாங்கம் அறிவித்துள்ளது என கூறினார்.
சம்பள உயர்வு நேரடியாக மொத்தம் 29,264 ஆசிரியர்கள் மற்றும் மாநில அரசு நிதியுதவி நிறுவனங்களின் இதர கல்வி ஊழியர்களுக்கு நேரடியாக நன்மை கிடைக்கும் என கூறி உள்ளது.
இந்த உத்தரவால் ஏ.ஐ.சி.டி.இ. (தொழில்நுட்ப கல்விக்கான அனைத்து இந்திய கவுன்சில்) சுமார் 3.5 லட்சம் ஆசிரியர்கள் மற்றும் தனியார் கல்லூரிகளில் உள்ள மற்ற கல்வித்துறை ஊழியர்கள் பயனடைவார்கள் என்று மத்திய அமைச்சர் பிரகாஷ் ஜவடேகர் கூறியுள்ளார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire