தெலுங்கு திரைப்பட இயக்குனர் தாசரி நாரயண ராவ் காலமானார் ஆந்திர முதல்-மந்திரி சந்திரபாபு நாயுடு இரங்கல்

ஐதராபாத்,

ஆந்திரமாநிலம் கோதாவரியில் உள்ள பாலகொல்லுவில் தசாரி நாராயண ராவ் பிறந்தார். தெலுங்கில் 151 படங்களை இயக்கி உள்ளார். 53 படங்களை தயாரித்துள்ளார். 250 -படங்களில் வசனகர்த்தாவாகவும் பாடல்களை இயற்றி உள்ளார். 2 தேசிய விருதுகளை பெற்றுள்ளார். 9 நந்தி விருதுகளும், 4 பிலிம்பேர் விருதுகளும் பெற்றுள்ளார். இவர் தெலுங்கு, தமிழ், கன்னட படங்களில் நடித்துள்லார். அதிக படங்களை இயக்கி லிம்கா சாதனை பட்டியலில் இடம் பெற்றார். நடிகர் மோகன் பாபுவை தெலுங்கு பட உலகிற்கு அறிமுகம் செய்தவர். இவர் முன்னாள் மத்திய மந்திரியாக இருந்துள்ளார் என்பது குறிப்பிடத்தக்கது.

தசாரி நாராயண ராவ் மறைவு அதிர்ச்சி அடைந்தாக ஆந்திர முதல்-மந்திரி சந்திரபாபு நாயுடு தெரிவித்துள்ளார். தெலுங்கு சினிமா துறை ஒரு தூணை இழந்து விட்டது என்றும், அவரது மறைவுக்கு இரங்கல் தெரிவித்துள்ளார். தெலுங்கு திரைப்பட துறையினர் அவரது மறைவிற்கு ஆழ்ந்த இரங்கல் தெரிவித்துள்ளனர்.