பா.ஜனதாவுக்கு எதிராக 20 கட்சி நாளை ஆலோசனை; கட்சிகளுக்குள் திடீர் கருத்து வேறுபாடு ;பின்வாங்கும் தலைவர்கள்

புதுடெல்லி:

நாடாளுமன்றத்துக்கு அடுத்த ஆண்டு (2024) நடைபெற உள்ள தேர்தலில் மீண்டும் ஆட்சியை கைப்பற்ற பா.ஜனதா தீவிர முயற்சியில் ஈடுபட்டுள்ளது. கடந்த 10 ஆண்டுகளாக ஆட்சியில் இருக்கும் பா.ஜனதாவை மீண்டும் ஆட்சிக்கு வர விடக்கூடாது என்று எதிர்க்கட்சி தலைவர்கள் ஆலோசித்து வருகிறார்கள்.

ஆனால் இதுவரை எதிர்க்கட்சிகள் இடையே சுமூகமான ஒருமித்த கருத்து உருவாகவில்லை. இந்த நிலையில் பீகார் முதல்-மந்திரியும், ஐக்கிய ஜனதாதளம் கட்சி தலைவருமான நிதிஷ்குமார் எதிர்க்கட்சிகளை ஓரணியில் ஒன்று திரட்டும் முயற்சியில் ஈடுபட்டுள்ளார்.

நாடு முழுவதும் சுற்றுப் பயணம் செய்து எதிர்க்கட்சி தலைவர்களை சந்தித்து பேசினார். இதைத் தொடர்ந்து பீகார் மாநில தலைநகர் பாட்னாவில் நாளை (23-ந் தேதி) எதிர்க்கட்சி தலைவர்களின் கூட்டத்துக்கு ஏற்பாடு செய்யப்பட்டுள்ளது.

பா.ஜனதாவை எதிர்க்கும் சுமார் 20 கட்சிகளின் தலைவர்கள் இந்த கூட்டத்தில் பங்கேற்க உள்ளனர். பாட்னாவுக்கு வரும் எதிர்க்கட்சி தலைவர்களை வரவேற்க நகரம் முழுவதும் போஸ்டர்கள், பேனர்கள் வைக்கப்பட்டுள்ளன.

எதிர்க்கட்சி தலைவர்களில் தமிழக முதலமைச்சரும், தி.மு.க. தலைவருமான மு.க.ஸ்டாலின், மேற்கு வங்காள முதல்-மந்திரியும், திரிணாமுல் காங்கிரஸ் தலைவருமான மம்தா பானர்ஜி, பஞ்சாப் முதல்-மந்திரி பகவந்த் மான், காஷ்மீர் முன்னாள் முதல்-மந்திரி மெகபூபா முப்தி ஆகியோர் இன்று இரவுக்குள் பாட்னா சென்று சேர உள்ளனர். அவர்கள் தங்குவதற்கு பாட்னாவில் பல்வேறு இடங்களில் ஏற்பாடுகள் செய்யப்பட்டுள்ளன.

காங்கிரஸ் தலைவர்கள் மல்லிகார்ஜூன கார்கே, ராகுல் காந்தி, கே.சி.வேணுகோபால், மராட்டிய மாநில முன்னாள் முதல்-மந்திரி உத்தவ் தாக்கரே, அவரது மகன் ஆதித்ய தாக்கரே மற்றும் கம்யூனிஸ்டு தலைவர்கள் நாளை காலை பாட்னா செல்ல உள்ளனர்.

பெரும்பாலான தலைவர்கள் நாளை மதியத்துக்குள் பாட்னா சென்று சேருவார்கள் என்று எதிர்பார்க்கப்படுகிறது. அவர்கள் தங்கி ஓய்வு எடுப்பதற்காக பாட்னாவில் உள்ள அரசு விருந்தினர் மாளிகையில் 17 அறைகள் புதுப்பிக்கப்பட்டுள்ளன.

இது தவிர நட்சத்திர ஓட்டல்களில் அறைகள் ஒதுக்கப்பட்டுள்ளன. நாளை பிற்பகல் பாட்னாவில் உள்ள முக்கிய அரங்கில் எதிர்க்கட்சி தலைவர்களின் ஆலோசனை கூட்டம் நடைபெற உள்ளது. அந்த கூட்டத்தில் பா.ஜனதாவை வீழ்த்துவதற்கான வியூகங்கள் வகுக்கப்பட உள்ளன.

எதிர்க்கட்சிகளுக்கு இடையே கருத்து வேறுபாடுகள் உள்ளன. குறிப்பாக தேசிய கட்சிகளுடன் மாநில கட்சிகள் தொகுதிகளை விட்டுக் கொடுப்பது பற்றி ஆலோசிக்கப்பட உள்ளது.

இந்த நிலையில் ஆம் ஆத்மி கட்சியும் பகுஜன் சமாஜ் கட்சியும் இந்த கூட்டத்தை புறக்கணிப்பார்கள் என கூறப்படுகிறது.பகுஜன் சமாஜ் கட்சி தலைவர் மாயாவதி எதிர்க்கட்சிகளின் கரங்கள்தான் ஒன்றிணைந்து உள்ளன இதயங்கள் இணையவில்லை என கூறி உள்ளார்.

மேலும் ராஷ்டீரிய லோக்தள தலைவரும் இதில் கலந்து கொள்ளவில்லை

திரிணாமுல் காங்கிரஸ், ஆம் ஆத்மி, சமாஜ்வாதி ஆகிய கட்சிகள் இணைந்து பா.ஜனதாவை எதிர்த்துப் போராட ஆர்வமாக உள்ளன. விரைவில் எதிர்க்கட்சிகளுக்கு இடையேயான ஒற்றுமை வலுப்பெற்றால், வரும் சத்தீஸ்கர், மத்திய பிரதேசம், ராஜஸ்தான், தெலுங்கானா சட்டசபை தேர்தல்களில் கூட்டணி சிறப்பாக செயல்பட முடியும் என அக்கட்சிகள் கருதுகின்றன.

ஆனால், கர்நாடக சட்டசபை தேர்தலில் வெற்றி பெற்றுள்ள காங்கிரஸ், இந்த நான்கு மாநிலங்களின் தேர்தல் முடியும் வரை எந்த முடிவையும் அறிவிப்பதில்லை என முடிவு செய்துள்ளது. எனவே, கூட்டத்தில் எதிர்க்கட்சிகளின் ஒற்றுமைக்கு உடன்படாமல் காத்திருப்பு உத்தியை கடைபிடிக்க முடிவு செய்துள்ளது.

எதிர்கட்சியாக இருப்பதால், இந்த ஆண்டு இறுதியில் 4 மாநிலங்களில் நடைபெற உள்ள தேர்தலில் பலத்தை அதிகரிக்க காங்கிரஸ் மேலிடம் தீவிரம் காட்டி வருகிறது.

பாட்னா சட்டசபைக்கு இன்னும் சில நாட்களே உள்ள நிலையில் எதிர்க்கட்சிகளின் வியூகம் வெளியாகியுள்ளது. டெல்லி மற்றும் பஞ்சாபில் போட்டியிட மாட்டோம் என்று காங்கிரஸ் உறுதியளித்தால் மட்டுமே மத்திய பிரதேச தேர்தலில் இருந்து விலகுவோம் என்று ஆம் ஆத்மி ஏற்கனவே தெளிவுபடுத்தியுள்ளது. மறுபுறம், மேற்கு வங்காளத்தில் சிபிஎம் உடனான கூட்டணியை காங்கிரஸ் தொடர்ந்தால், தேசிய அளவில் அந்தக் கட்சியை ஆதரிக்க மாட்டோம் என்று திரிணாமுல் தெரிவித்துள்ளது.

மம்தா பானர்ஜியின் நிலைப்பாட்டை காங்கிரஸ் மூத்த தலைவர்கள் ஏற்கவில்லை. "நாங்கள் அரசியலில் இருந்து விருப்ப ஓய்வு பெறவில்லை. பா.ஜனதா அல்லாத கட்சிகள் அமைதியாக இருக்கச் சொல்கிறது. ஆனால், நாங்கள் மேற்கு வங்காளத்தில் தீவிரமாக செயல்படுகிறோம்' என்கிறார் காங்கிரஸ் மூத்த தலைவர்களில் ஒருவர் கூறி உள்ளார்.

டெல்லி, பஞ்சாப், மேற்கு வங்கம் ஆகிய மாநிலங்களில் பல ஆண்டுகளாக கட்சி உள்ளது. கோவா மற்றும் குஜராத்தில் ஆம் ஆத்மி மற்றும் டிஎம்சி முன்னிலையில் இல்லை. எனினும், அந்த கட்சிகள் அங்கு எங்களுக்கு எதிராக களமிறங்கின. காங்கிரஸின் கவர்ச்சியை அச்சுறுத்தி நமது வாக்குகளை ஈர்ப்பது மட்டுமே அவரது நோக்கம் என்பது அவரது கருத்து.

இந்தக் கூட்டத்தில் மேற்கு வங்காளம், உத்தரப் பிரதேசம், டெல்லி ஆகிய மாநிலங்களை கூட்டணிக் கட்சிகளுக்கு விட்டுக்கொடுக்க மம்தா காங்கிரசுக்கு அழுத்தம் கொடுப்பார் எனத் தெரிகிறது. காங்கிரஸ் முஸ்லிம் வாக்காளர்களுக்கு சாதகமாக உள்ளது. ஆக, அந்த மாநிலங்களில் முஸ்லிம் வாக்குகள் காங்கிரசுக்குப் போய்விடும் என்பதே அவர்களின் கவலைக்கு முக்கியக் காரணம்.

கர்நாடக தேர்தலில் முஸ்லிம் வாக்குகளை கவருவதில் காங்கிரஸ் வெற்றி பெற்றுள்ளது. மேலும், சிறுபான்மையினர் அதிகம் உள்ள மேற்கு வங்காள இடைத்தேர்தலில் காங்கிரஸ் வேட்பாளர் வெற்றி பெற்றார். குஜராத் மற்றும் டெல்லியில் சிறுபான்மை வாக்குகளைப் பெற ஆம் ஆத்மியின் வியூகமும் தோல்வியடைந்தது. எனவே, முஸ்லிம்கள் எங்களிடமிருந்து அந்நியப்பட்டுள்ளனர் என்பதை ஆம் ஆத்மி மற்றும் திரிணாமுல் காங்கிரஸ் தலைவர்கள் உணர்ந்துள்ளனர்.

மறுபுறம், சமாஜ்வாதி கட்சி தலைவர் அகிலேஷ், காங்கிரசும் தனது வியூகத்தை மாற்ற வேண்டும் என கூறி உள்ளார்.

'பாரத ராஷ்டிர சமிதி எதிர்க்கட்சிகளுடன் இணைய விரும்பவில்லை. மராட்டிய மாநிலத்தில் அமைக்கப்பட்ட மெகா கூட்டணி அங்குள்ள அரசை கவிழ்த்து பா.ஜனதா ஆட்சிக்கு வந்தது. தேசியவாத காங்கிரஸ் தலைவர் சரத் பவார் அனைத்து மாநிலங்களிலும் கட்சியை விரிவுபடுத்த விரும்புகிறார். பாரத ராஷ்டிர சமிதி என்பது பாஜகவின் பி டீம் என்று காங்கிரஸ் கூறி வருகிறது எதிர்க்கட்சிகளின் அனைத்து ஆலோசனைகளையும் ஏற்க காங்கிரஸ் தயாராக இல்லை.