விபத்தில் காயம் அடைந்த கல்லூரி மாணவர் சாவு

திசையன்விளை:

திசையன்விளை அருகே தெற்கு பெட்டைகுளத்தைச் சேர்ந்தவர் முருகன் மகன் அஜய்குமார் (வயது 21). பசுவழி கிராமத்தைச் சேர்ந்தவர் மற்றொரு முருகன் மகன் சிவகணேஷ் (20). கல்லூரி மாணவர்களான இவர்கள் 2 பேரும் சம்பவத்தன்று பெட்டைகுளம் பகுதியில் மோட்டார் சைக்கிளில் சென்றனர். அப்போது மோட்டார் சைக்கிள் நிலைதடுமாறி, சாலையோர குளத்துக்குள் பாய்ந்ததில் அஜய்குமார் பரிதாபமாக இறந்தார்.

படுகாயமடைந்த சிவகணேஷை ஆஸ்பத்திரியில் அனுமதித்து தீவிர சிகிச்சை அளித்தனர். ஆனாலும் சிகிச்சை பலனின்றி நேற்று அவர் பரிதாபமாக இறந்தார். இதுகுறித்து திசையன்விளை போலீஸ் இன்ஸ்பெக்டர் ஜமால் வழக்குப்பதிவு செய்து விசாரணை நடத்தி வருகிறார்.