<
ஆட்டோவை கயிறு கட்டி இழுத்து காங்கிரஸ் கட்சியினர் ஆர்ப்பாட்டம்
பெட்ரோல், டீசல், கியாஸ் விலை உயர்வை கண்டித்து நாகையில், ஆட்டோவை கயிறு கட்டி இழுத்து காங்கிரஸ் கட்சியினர் ஆர்ப்பாட்டத்தில் ஈடுபட்டனர்.
வெளிப்பாளையம்:
பெட்ரோல், டீசல், கியாஸ் விலை உயர்வை கண்டித்து நாகையில், ஆட்டோவை கயிறு கட்டி இழுத்து காங்கிரஸ் கட்சியினர் ஆர்ப்பாட்டத்தில் ஈடுபட்டனர்.
ஆர்ப்பாட்டம்
நாகையில் அகில இந்திய காங்கிரஸ் கட்சி சார்பில் பெட்ரோல், டீசல், கியாஸ் விலை உயர்வை கண்டித்து சிலிண்டருக்கு மாலை அணிவித்தும், ஆட்டோவை கயிறு கட்டி இழுத்தும் ஆர்ப்பாட்டத்தில் ஈடுபட்டனர்.
இந்த ஆர்ப்பாட்டத்திற்கு மாநில செயலாளர் நவுசாத் தலைமை தாங்கினார். மாநில பொதுச்செயலாளர்கள் ராமலிங்கம், ராஜேந்திரன் நாட்டார், வரதராஜன் மாநில விவசாய அணி செயலாளர் மீரா உசேன் ஆகியோர் முன்னிலை வகித்தனர்.
ஆர்ப்பாட்டத்தில் மாநில இலக்கிய அணி செயலாளர் தமிழ்ச்செல்வன், மகிளா காங்கிரசை சேர்ந்த சித்ரா, நாகூர் நகர தலைவர் சர்புதீன், வக்கீல் சலீம்கான், கவுன்சிலர் தியாகு உள்பட காங்கிரஸ் கட்சியினர் கலந்து கொண்டு பெட்ரோல், டீசல், கியாஸ் விலை உயர்வை கண்டித்து கோஷங்கள் எழுப்பினர்.
ஆட்டோவை கயிறுகட்டி இழுத்து சென்றனர்
ஆர்ப்பாட்டத்தில் ஈடுபட்ட காங்கிரஸ் கட்சியினர் நீலா தெற்குவீதியில் இருந்து ஆட்டோவை கயிறு கட்டி முக்கிய வீதிகள் வழியாக அபிராமி அம்மன் சன்னதி திடல் வரை இழுத்து சென்றனர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
