<
மகளிர் சுய உதவிக்குழுவின் செயல்பாடுகள் சிறப்பாக உள்ளது
திருவாரூர் மாவட்டத்தில் மகளிர் சுய உதவிக்குழுவின் செயல்பாடுகள் சிறப்பாக உள்ளது என கலெக்டர் காயத்ரி கிருஷ்ணன் கூறினார்.
திருவாரூர்:
திருவாரூர் மாவட்டத்தில் மகளிர் சுய உதவிக்குழுவின் செயல்பாடுகள் சிறப்பாக உள்ளது என கலெக்டர் காயத்ரி கிருஷ்ணன் கூறினார்.
கோலப்போட்டி
திருவாரூர் மாவட்ட கலெக்டர் அலுவலகத்தில் ஊரக வாழ்வாதார இயக்கம் சார்பில் சர்வதேச மகளிர் தினவிழா ஊட்டச்சத்து விழிப்புணர்வு சமையல் போட்டி நடந்தது. இதில் திருவாரூர் மாவட்டத்திற்குட்பட்ட 10 வட்டாரத்தில் செயல்பட்டு வரும் மகளிர் சுயஉதவிக்குழுவினர் கலந்து கொண்டனர். தொடர்ந்து மகளிர் சுய உதவிக்குழுவிற்கு கோலப்போட்டி நடைபெற்றது. இந்த போட்டியில் வெற்றி பெற்றவர்களுக்கு மாவட்ட கலெக்டர் காயத்ரி கிருஷ்ணன் பரிசுகளை வழங்கி பாராட்டினார்.
அப்போது அவர் கூறியதாவது:-
ஊரக வாழ்வாதார இயக்கம் சார்பில் சர்வதேச மகளிர் தினவிழாவில் கலந்து கொள்வது மிகவும் மகிழ்ச்சியாக உள்ளது.
செயல்பாடுகள் சிறப்பாக உள்ளது
திருவாரூர் மாவட்டத்தில் மகளிர் சுய உதவிக்குழுவின் செயல்பாடுகள் சிறப்பாக உள்ளது. தமிழக அரசு மகளிர்சுய உதவிக்குழுவிற்கு தேவையான அனைத்து நலத்திட்டங்களையும் நிறைவேற்றி வருகிறது. மேலும் மகளிர் சுய உதவிக்குழு உறுப்பினர்கள் சுய தொழில் செய்ய வங்கிகள் மூலம் கடன்கள் வழங்கப்பட்டு வருகிறது. அரசின் நலத்திட்டங்களை மகளிர் சுய உதவிக்குழுவினர் பயன்படுத்தி தங்களது குழுவின் செயல்பாடுகளை விரிவுப்படுத்தி கொள்ள வேண்டும்.
இவ்வாறு கலெக்டர் கூறினார்.
வெற்றி பெற்றவர்களுக்கு பரிசு
அதனை தொடர்ந்து ஊட்டச்சத்து விழிப்புணர்வு சமையல் போட்டியில் வெற்றி பெற்ற 3 மகளிர் குழுவிற்கும், கோலப்போட்டியில் வெற்றி பெற்ற 3 மகளிர் குழுவிற்கும் பரிசுகளை கலெக்டர் வழங்கினார்.
இதில் மாவட்ட வருவாய் அலுவலர் சிதம்பரம், ஊரக வாழ்வாதார இயக்கத்தின் திட்ட அலுவலர் ஸ்ரீலேகா மற்றும் பலர் கலந்து கொண்டனர்.
----
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire