<
வாக்கு எண்ணும் மையத்தில் முன்னேற்பாடுகள் தீவிரம்
அருப்புக்கோட்டை வாக்கு எண்ணும் மையத்தில் முன்னேற்பாடு பணிகள் தீவிரமாக நடைபெற்று வருகிறது.
அருப்புக்கோட்டை,
அருப்புக்கோட்டை வாக்கு எண்ணும் மையத்தில் முன்னேற்பாடு பணிகள் தீவிரமாக நடைபெற்று வருகிறது.
வாக்கு எண்ணிக்கை மையம்
அருப்புக்கோட்டையில் 36 வார்டுகளில் உள்ள 87 வாக்குச்சாவடிகளில் பதிவாகும் வாக்குகள் தேவாங்கர் கலை கல்லூரியில் அமைக்கப்பட்டுள்ள வாக்கு எண்ணிக்கை மையத்தில் எண்ணப்படுகிறது. இந்த வாக்கு எண்ணிக்கை மையத்தில் தற்போது முன்னேற்பாடு பணிகள் தீவிரமாக நடைபெற்று வருகிறது.
இதுகுறித்து நகராட்சி தேர்தல் நடத்தும் அலுவலர், ஆணையருமான பாஸ்கரன் கூறியதாவது:-
வாக்குப்பதிவு எந்திரங்களை தனித்தனியாக வைக்கப் பாதுகாப்பு அறைகளும், வார்டு வாரியாக வாக்கு எண்ணும் அறைகளும் அமைக்கப்பட்டுள்ளன.
தடுப்பு கட்டைகள்
வாக்கு எண்ணும் அறைகளில் தற்காலிமாக தடுப்பு கட்டைகள் வாக்கு எண்ணும் மையத்துக்கு வெளியேயும், உள்ளேயும் பலத்த கண்காணிப்புக்கு ஏற்பாடுகள் செய்யப்பட்டுள்ளன.
வாக்கு எண்ணிக்கை மையத்தை சுற்றி கண்காணிப்பு கேமராக்கள் பொருத்தப்படுகின்றன. வாக்கு எண்ணிக்கையை பார்ப்பதற்காக வேட்பாளர்கள் மற்றும் அவருடைய முகவர்களுக்கு தனித்தனி பாதைகள் அமைக்கப்பட்டுள்ளன. 10 மேசைகள் அமைக்கப்பட்டு வாக்குகள் எண்ணப்பட உள்ளது.
வாக்கு எண்ணிக்கை நிலவரத்தை ஒலிபெருக்கி மூலம் அறிவிக்க ஏற்பாடுகள் செய்யப்பட்டுள்ளன. கொரோனா பாதுகாப்பு வழிமுறைகளும் முறையாக பின்பற்றப்படும்.
இவ்வாறு அவர் கூறினார்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
