<
நன்னிலம் பாரதிதாசன் கல்லூரி மாணவர்கள் வகுப்புகளை புறக்கணித்து ஆர்ப்பாட்டம்
பாலியல் குற்றங்களுக்கு எதிராக நடவடிக்கை எடுக்கக்கோரி நன்னிலம் பாரதிதாசன் கல்லூரி மாணவர்கள் வகுப்புகளை புறக்கணித்து ஆர்ப்பாட்டத்தில் ஈடுபட்டனர்.
நன்னிலம்:
பாலியல் குற்றங்களுக்கு எதிராக நடவடிக்கை எடுக்கக்கோரி நன்னிலம் பாரதிதாசன் கல்லூரி மாணவர்கள் வகுப்புகளை புறக்கணித்து ஆர்ப்பாட்டத்தில் ஈடுபட்டனர்.
ஆர்ப்பாட்டம்
பள்ளி-கல்லூரிகளில் தொடரும் பாலியல் குற்றங்களுக்கு எதிராக நடவடிக்கை எடுக்க வேண்டும். ஆசிரியர்களுக்கும், மாணவிகளுக்கும் உளவியல் ஆலோசனைக்கான வகுப்புகளை நடத்த வேண்டும். பள்ளி பாடப்புத்தகத்தில் பாலியல் கல்வி குறித்த பாடங்களை இணைக்க வேண்டும் என்பது உள்ளிட்ட பல்வேறு கோரிக்கைகளை வலியுறுத்தி இந்திய மாணவர் சங்கம் சார்பில் நன்னிலம் அரசு பாரதிதாசன் உறுப்பு அறிவியல் மற்றும் கலைக்கல்லூரியில் ஆர்ப்பாட்டம் நடைபெற்றது. ஆர்ப்பாட்டத்தில் ஈடுபட்ட மாணவர்கள் வகுப்புகளை புறக்கணித்து கண்ணில் கருப்பு துணிக்கட்டி இருந்தனர்.
கோஷங்கள்
ஆர்ப்பாட்டத்திற்கு இந்திய மாணவர் சங்க மாவட்ட தலைவர் ஆனந்த் தலைமை தாங்கினார். ஆர்ப்பாட்டத்தில் கல்லூரி தலைவர் அஜய் மற்றும் சங்கத்தின் பொறுப்பாளர்கள், மாணவ-மாணவிகள் கலந்து கொண்டு கோரிக்கைகளை வலியுறுத்தி கோஷங்கள் எழுப்பினர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
