மாவட்ட கிரிக்கெட் போட்டி தொடக்கம்

ஆறுமுகநேரி:

ஆறுமுகநேரி வீனஸ் கிரிக்கெட் கிளப்பின் சார்பில் 17-வது ஆண்டு தூத்துக்குடி மாவட்ட அளவிலான கிரிக்கெட் போட்டி நேற்று சாகுபுரம் விளையாட்டு மைதானத்தில் தொடங்கியது.

முதல் போட்டியில் டி.சி.டபிள்யு அணியும், காயல்பட்டினம் காமிரா கிரிக்கெட் கிளப் அணி விளையாடியது. போட்டியினை சாகுபுரம் டி.சி. டபிள்யூ தொழிற்சாலையின் மூத்த நிர்வாக உதவி தலைவர் சீனிவாசன் தொடங்கி வைத்தார். அவருக்கு இரு அணி வீரர்களையும் வீனஸ் கிரிக்கெட் கிளப் நிர்வாகிகள் விக்னேஷ், நிவாஸ் கண்ணன் ஆகியோர் அறிமுகம் செய்து வைத்தனர்.

இப்போட்டியில் மாவட்டத்தில் உள்ள 32 அணிகள் கலந்து கொள்கின்றன. வாரத்தின் இறுதி நாட்களான சன ஞாயிறு, ஆகிய இரண்டு தினங்கள் மட்டும் போட்டிகள் சாகுபுரம் மைதானத்தில் நடைபெறுகிறது. 5 வாரங்கள் நடக்கும். செப்டம்பர் 5-ந் தேதி இறுதி போட்டி நடக்கிறது. இதில் வெற்றிபெறும் அணியினருக்கு சுழற் கோப்பைகள், மற்றும் ரொக்கப் பரிசுகள் வழங்கப்படுகிறது. போட்டி தொடக்க நிகழ்ச்சியில் தொழிற்சாலையின் பொது ஜன தொடர்பு அதிகாரிகள் மற்றும் கிரிக்கெட் கிளப் நிர்வாகிகள் திரளாக கலந்து கொண்டனர்.