நெல்லையில் நினைவுநாள்: எம்.ஜி.ஆர். சிலைக்கு அரசியல் கட்சியினர் மரியாதை

நெல்லை, 

நினைவு நாளையொட்டி நெல்லையில் எம்.ஜி.ஆர். சிலைக்கு அரசியல் கட்சியினர் மாலை அணிவித்து மரியாதை செலுத்தினார்கள்.

எம்.ஜி.ஆர். நினைவு நாள்

மறைந்த முன்னாள் முதல்-அமைச்சர் எம்.ஜி.ஆர். நினைவு நாள் நேற்று கடைபிடிக்கப்பட்டது. இதையொட்டி நெல்லை கொக்கிரகுளத்தில் உள்ள அவரது சிலை மலர்களால் அலங்கரிக்கப்பட்டு இருந்தது. நெல்லை மாநகர் மாவட்ட அ.தி.மு.க. செயலாளர் தச்சை கணேசராஜா தலைமையில் எம்.ஜி.ஆர். சிலைக்கு மாலை அணிவித்து மரியாதை செலுத்தப்பட்டது.

நிகழ்ச்சியில் ரெட்டியார் பட்டி நாராயணன் எம்.எல். ஏ. , நெல்லை மாநகர் மாவட்ட அவைத்தலைவர் பரணி சங்கரலிங்கம், முன்னாள் மாவட்ட செயலாளர் பாப்புலர் முத்தையா, நெல்லை கூட்டுறவு பேரங்காடி தலைவர் பல்லிக்கோட்டை செல்லத்துரை, எம்.ஜி.ஆர். மன்ற செயலாளர் பெரிய பெருமாள், முன்னாள் கவுன்சிலர் ஆறுமுகம், ஜெயலலிதா பேரவை செயலாளர் ஜெரால்டு, நெல்லை மாநகராட்சி முன்னாள் துணை மேயர் ஜெகநாதன், பாளையங்கோட்டை பகுதி செயலாளர் ஜெனி, கட்சி நிர்வாகி கல்லூர் வேலாயுதம் உள்பட பலர் கலந்து கொண்டனர்.

அ.ம.மு.க.- தே.மு.தி.க.

அ.ம.மு.க. சார்பில் நெல்லை மாநகர் மாவட்ட செயலாளர் பரமசிவ அய்யப்பன் தலைமையில் மாலை அணிவித்து மரியாதை செலுத்தப்பட்டது. இதில் மேலநீலிதநல்லூர் ஒன்றிய செயலாளர் அமிதாப் உள்பட பலர் கலந்து கொண்டனர்.

தே.மு.தி.க. சார்பில் மாநகர் மாவட்ட செயலாளர் முகமது அலி தலைமையில் மாலை அணிவிக்கப்பட்டது. கட்சி நிர்வாகிகள் மீனாட்சி சுந்தரம், மாரியப்பன் உள்பட பலர் கலந்து கொண்டனர். மாவீரர் சுந்தரலிங்கனார் மக்கள் இயக்க தலைவர் மாரியப்ப பாண்டியன் தலைமையில் மாலை அணிவித்து மரியாதை செலுத்தப்பட்டது.மேலப்பாளையம் மண்டல அலுவலகம் அருகே அலங்கரித்து வைக்கப்பட்டிருந்த எம்.ஜி.ஆர். உருவப்படத்துக்கு, முன்னாள் கவுன்சிலர் ஆறுமுகம் தலைமையில் மாலை அணிவித்து மரியாதை செலுத்தப்பட்டது.

இதேபோல் நெல்லை மாநகர் மாவட்ட பகுதியில் பல்வேறு இடங்களில் எம்.ஜி.ஆர். படம் மலர்களால் அலங்கரிக்கப்பட்டு, மாலை அணிவிக்கப்பட்டு இருந்தது.