காந்தி இர்வின் பாலத்தில் விபத்து: ஆம்னி பஸ் ஏறியதில் வாலிபர் பலி டிரைவர் கைது

சென்னை,

சென்னை பெரம்பூர் கோவிந்தசாமி தெருவை சேர்ந்தவர் சாய்கிருஷ்ணன்(வயது 23). இவர் நேற்று இரவு ஸ்கூட்டி வாகனத்தில், எழும்பூர் காந்தி இர்வின் பாலம் அருகே வந்து கொண்டிருந்தார். இந்தநிலையில் அந்த வழியாக வந்த ஆம்னி பஸ் ஒன்று ஸ்கூட்டியின் மீது உரசி உள்ளது. இதில் நிலைத்தடுமாறி சாய்கிருஷ்ணன் சாலையில் விழுந்தார். அப்போது ஆம்னி பஸ் சக்கரம் சாய்கிருஷ்ணன் தலையில் ஏறியது. சாய்கிருஷ்ணன் தலையில் ஹெலிமெட் அணிந்திருந்தார். எனினும் தலைநசுங்கி சம்பவ இடத்திலேயே அவர் பரிதாபமாக பலியானார்.

விபத்து குறித்து தகவலறிந்து அண்ணா சதுக்கம் போலீசார் சம்பவ இடத்துக்கு வந்தனர். சாய்கிரு‌ஷணன் உடலை பிரேத பரிசோதனைக்கான ராஜீவ்காந்தி அரசு ஆஸ்பத்திரிக்கு அனுப்பி வைத்தனர். விபத்து தொடர்பாக ஆம்னி பஸ் டிரைவர் ஜெகநாதன்(வயது 40) கைது செய்யப்பட்டார்.

இந்த விபத்தில் நேற்று அப்பகுதியில் போக்குவரத்து பாதிப்பு ஏற்பட்டது. எழும்பூர் பகுதியில் ஆம்னி பஸ்களை அனுமதிப்பதால் அதிக விபத்துக்கள் ஏற்படுவதாக வாகன ஓட்டிகள் புகார் தெரிவித்துள்ளனர்.