ராமேசுவரம்–திருப்பதி எக்ஸ்பிரஸ் பாபநாசம் ரெயில் நிலையத்தில் மேலும் 6 மாதம் நின்று செல்லும்

மதுரை,

ராமேசுவரத்தில் இருந்து மதுரை வழியாக திருப்பதிக்கு வாரம் இருமுறை (வியாழன், சனி) எக்ஸ்பிரஸ் ரெயில் இயக்கப்படுகிறது. இந்த ரெயில் மதுரையில் இருந்து திருச்சி, தஞ்சாவூர், கும்பகோணம், மயிலாடுதுறை வழியாக திருப்பதி செல்கிறது. பயணிகளின் வசதிக்காக இந்த ரெயில் (வ.எண்.16779/16780) பாபநாசம் ரெயில் நிலையத்தில் சோதனை அடிப்படையில் நின்று செல்கிறது.

இந்த நிலையில், மேலும் 6 மாதங்களுக்கு (ஆகஸ்டு மாதம் 4–ந் தேதி வரை) தற்காலிகமாக இந்த ரெயில் இருமார்க்கங்களிலும் பாபநாசம் ரெயில் நிலையத்தில் நின்று செல்லும் என்று மதுரை கோட்ட ரெயில்வே உதவி வர்த்தக மேலாளர் ஜெயக்குமார் வெளியிட்டுள்ள செய்திக்குறிப்பில் தெரிவிக்கப்பட்டுள்ளது.