விஜய் நடிக்கும் 'வாரிசு' படத்தின் ரிலீஸ் தேதி அறிவிப்பு - வைரலாகும் போஸ்டர்

சென்னை,

இயக்குனர் வம்சி இயக்கத்தில் நடிகர் விஜய் நடித்து வரும் 'வாரிசு' திரைப்படம் தமிழ் மற்றும் தெலுங்கு மொழிகளில் நேரடியாக வெளியாக உள்ளது. இந்த படத்தில் விஜய்க்கு ஜோடியாக நடிகை ராஷ்மிகா மந்தனா நடித்து வருகிறார். மேலும், பிரகாஷ்ராஜ், சரத்குமார், குஷ்பூ, ஷாம், யோகி பாபு உள்ளிட்ட பலர் முக்கிய கதாபாத்திரத்தில் நடிக்கின்றனர்.

இப்படத்தின் படப்பிடிப்பு விறுவிறுப்பாக நடைபெற்று வருகிறது. இந்த மாத இறுதிக்குள் இதன் முழு படப்பிடிப்பும் முடிவடைந்துவிடும் எனக் கூறப்படுகிறது. இந்த நிலையில் 'வாரிசு' திரைப்படத்தின் புதிய போஸ்டர் ஒன்று வெளியாகியுள்ளது. தீபாவளியை முன்னிட்டு ரசிகர்களுக்கு வாழ்த்து கூறும் வகையில் உருவாகியுள்ள இந்த போஸ்டரில் 'வாரிசு' திரைப்படத்தின் ரிலீஸ் குறித்து அறிவிக்கப்பட்டுள்ளது.

அதன்படி 'வாரிசு' திரைப்படம் வருகிற பொங்கலுக்கு வெளியாகும் என்று தெரிவிக்கப்பட்டுள்ளது. இந்த போஸ்டர் தற்போது இணையத்தில் வைரலாகி வருகிறது.