கமல் ஜோடியாக நயன்தாரா?

கமல்ஹாசன் இந்தியன் 2 படத்தில் நடித்து முடித்துள்ளார். இந்த படத்தின் டப்பிங் மற்றும் கிராபிக்ஸ் உள்ளிட்ட தொழில்நுட்ப பணிகள் விறுவிறுப்பாக நடக்கின்றன. பிரபாசின் 'கல்கி 2898 ஏடி' படத்தில் வில்லனாக நடிக்கிறார். இதன் படப்பிடிப்பு இறுதிகட்டத்தில் உள்ளது. இந்த படத்தில் நடிக்க கமல்ஹாசனுக்கு ரூ.150 கோடி சம்பளம் பேசி உள்ளனர்.

எச்.வினோத் இயக்கும் படமொன்றிலும் நடிக்கிறார். இதில் ராணுவ வீரர் கதாபாத்திரத்தில் வருகிறார். அதோடு சிவகார்த்திகேயன், சிம்பு நடிக்கும் படங்களை தயாரிக்கவும் செய்கிறார்.

இந்த நிலையில் மணிரத்னம் இயக்கும் புதிய படத்திலும் நடிக்க இருக்கிறார். 35 ஆண்டுகளுக்கு பிறகு மணிரத்னம், கமல்ஹாசன் இணைவதால் படத்துக்கு எதிர்பார்ப்பு ஏற்பட்டு உள்ளது. பட வேலைகள் தொடங்கி உள்ளன.

இந்த படத்தில் கமல்ஹாசன் ஜோடியாக நடிக்க திரிஷா, வித்யாபாலன் ஆகியோர் பெயர்கள் அடிப்பட்டன. தற்போது நயன்தாராவிடம் பேசி வருவதாக தகவல் வெளியாகி உள்ளது. இதுவரை கமல்ஹாசனுடன் நயன்தாரா நடிக்கவில்லை என்பது குறிப்பிடத்தக்கது.