நாளை ஓ.டி.டி.யில் வெளியாகும் 4 படங்கள்

சென்னை,

திரையரங்குகளில் வாரந்தோறும் புதிய திரைப்படங்கள் வெளியாகிக் கொண்டுதான் உள்ளது. ஆனாலும், ஓ.டி.டி.யில் வெளியாகும் படங்களைப் பார்ப்பதற்க்கு என்று தனி ரசிகர்கள் உள்ளனர். அந்த வகையில், நாளை எந்தெந்த திரைப்படங்கள் எந்தெந்த ஓடிடி தளங்களில் வெளியாக உள்ளன என்பதைக் காணலாம்.

* சினிமாவில் ராஜமவுலியின் பங்களிப்பை கூறும் விதமாக, அப்ளாஸ் என்டர்டெயின்மென்ட் மற்றும் பிலிம் கம்பானியன் ஸ்டுடியோஸ் நிறுவனம் இணைந்து தயாரித்த "மார்டர்ன் மாஸ்டர்ஸ் (modern masters)" என்ற ஆவணப்படம் நெட்பிளிக்ஸ் ஓ.டி.டி தளத்தில் வெளியாக உள்ளது.

* வெஸ் பால் இயக்கிய அறிவியல் புனைக்கதையான 'கிங்டம் ஆப் தி பிளானட் ஆப் தி ஏப்ஸ்' என்ற ஹாலிவுட் திரைப்படம் டிஸ்னி பிளஸ் ஹாட்ஸ்டார் ஓ.டி.டி தளத்தில் வெளியாக உள்ளது.

* இயக்குனர் பாஸ்கர் சக்தி இயக்கத்தில் உருவாகியுள்ள 'ரயில்' திரைப்படம் ஆஹா தமிழ் ஓ.டி.டி தளத்தில் வெளியாக உள்ளது.

* சூர்யா மனோஜ் வாங்கலா இயக்கத்தில், நடிகை திரிஷா நடித்த 'பிருந்தா' வெப் தொடர் சோனி லிவ் ஓ.டி.டி தளத்தில் வெளியாக உள்ளது.