அஜித்தின் மங்காத்தா 2-ம் பாகம் கதை தயார்

தமிழில் வெற்றி பெற்ற படங்களின் இரண்டாம் பாகங்கள் வெளியாகி வரவேற்பை பெற்றுள்ளன. ரஜினியின் எந்திரன் 2-ம் பாகம் 2.0 என்ற பெயரில் வெளியானது. கமல்ஹாசனின் விஸ்வரூபம். அஜித்குமாரின் பில்லா, விஷாலின் சண்டக்கோழி, தனுசின் வேலை இல்லா பட்டதாரி ஆகிய படங்களின் 2-ம் பாகங்கள் வந்துள்ளன. சூர்யாவின் சிங்கம், சுந்தர்.சியின் அரண்மனை 3 பாகங்கள் வந்தன. கமலின் இந்தியன் 2-ம் பாகம் தயாராகிறது.

 இந்த வரிசையில் வெங்கட் பிரபு இயக்கத்தில் அஜித்குமார், திரிஷா நடித்து 2011-ல் வெளியான மங்காத்தா படத்தின் இரண்டாம் பாகத்தை எடுக்கவும் முயற்சிகள் நடப்பதாக ஏற்கனவே தகவல் வெளியானது. அஜித் ரசிகர்களும் மங்காத்தா 2-ம் பாகம் எடுக்கும்படி வற்புறுத்தி வந்தனர். இந்த நிலையில் தற்போது வெங்கட் பிரபு அளித்துள்ள பேட்டியில் மங்காத்தா 2 படத்துக்கான கதையை தயார் செய்து விட்டதாகவும் அஜித்குமார் எப்போது அழைத்தாலும் மங்காத்தா 2 படத்தை இயக்க தயாராக இருப்பதாகவும் தெரிவித்து உள்ளார்.

எனவே அஜித் தனது 61-வது படத்தை முடித்து விட்டு மங்காத்தா 2 படத்தில் நடிப்பார் என்று எதிர்பார்க்கப்படுகிறது.