சிறிய ஆதாயங்களுக்காக புதின் இராணுவ சக்தியில் கால் பகுதியை தியாகம் செய்து விட்டார்- இங்கிலாந்து
லண்டன்
இங்கிலாந்தின் தலைமை இராணுவ அதிகாரி டோனி ராடகின் கூறியதாவது:-
ரஷியா ஏற்கனவே மூலோபாய ரீதியாக தோற்றுவிட்டது. நேட்டோ வலுவாக உள்ளது. பின்லாந்து மற்றும் சுவீடன் நேட்டோவில் சேர விரும்புகின்றன. ரஷிய அதிபர் விளாடிமிர் புதின் அடுத்த சில வாரங்களில் தந்திரோபாய வெற்றிகளை அடையலாம்.
ஆனால் சிறிய ஆதாயங்களுக்காக அவர் தனது நாட்டின் இராணுவ சக்தியில் கால் பகுதியை தியாகம் செய்து விட்டார். துருப்புக்கள் மற்றும் உயர் தொழிநுட்ப ஏவுகணைகள் இல்லாமல் போய்விட்டன.
ரஷியா ஒவ்வொரு நாளும் குறைந்தது இரண்டு பகுதிகளில் ஐந்து கிலோமீட்டர்கள் முன்னோக்கி சென்று கொண்டிருக்கிறது.ஆனாலும், ரஷியாவிற்கு பாதிப்புகள் உள்ளன, ஏனெனில் ரஷியா தனது படைகளை இழந்து வருகிறது, உயர் தொழில்நுட்ப ஏவுகணைகள் இல்லாமல் இயங்குகிறது.
அதிபர் புதின் தனது ராணுவத்தின் சக்தியில் 25 சதவீதத்தை ஒரு சிறிய அளவிலான நிலப்பரப்பைப் பெற பயன்படுத்தி உள்ளார்.
இங்கிலாந்து நீண்ட காலம் அதிக ஆயுதங்களை உக்ரைனுக்கு வழங்கும் என கூறினார்.