அரியானா சட்டசபை தேர்தலில் காங்கிரஸ் சார்பில் ஜூலானா தொகுதியில் போட்டியிடும் மல்புத்த வீராங்கனை வினேஷ் போகத், சார்க்கி தாத்ரியில் உள்ள வாக்குச்சாவடியில் தனது வாக்கினை செலுத்தினார்.

வாக்களித்துவிட்டு செய்தியாளர்களை சந்தித்த அவர், "இது அரியானாவுக்கு மிகப்பெரிய திருவிழா. மக்களுக்கு இது மிக முக்கியமான நாள். வாக்காளர்கள் அனைவரும் தவறாமல் வாக்களிக்க நான் வேண்டுகிறேன். மகளிர் உரிமைக்காக பாடுபடும் கட்சிக்கு வாக்களியுங்கள். நான் எந்தக் கட்சியைப் பற்றிப் பேசுகிறேன் என்று உங்களுக்குத் தெரியும். வெற்றி நம்பிக்கை இருக்கிறது. பாஜக விவசாயிகளுக்கும், மற்றவர்களுக்கும் என்ன செய்தது என்பதை மக்கள் மறக்கவில்லை" என்றார்.