மியாமி ஓபன் டென்னிஸ்: முன்னாள் நம்பர் 1 வீராங்கனை நவோமி ஒசாகா 3-வது சுற்றுக்கு தகுதி
நவோமி ஒசாகா 3-வது சுற்றில் ஹெய்லி பாப்டிஸ்ட் உடன் மோதுகிறார்.;
image courtesy: PTI
மியாமி,
பல முன்னணி வீரர், வீராங்கனைகள் பங்கேற்றுள்ள மியாமி ஓபன் சர்வதேச டென்னிஸ் தொடர் அமெரிக்காவில் நடைபெற்று வருகிறது. இதில் இன்று நடைபெற்ற பெண்கள் ஒற்றையர் பிரிவின் 2-வது சுற்று ஆட்டம் ஒன்றில் முன்னாள் நம்பர் 1 வீராங்கனையான நவோமி ஒசாகா (ஜப்பான்), லுட்மிலா சம்சோனோவா (ரஷியா) உடன் மோதினார்.
இந்த ஆட்டத்தில் தொடக்கம் முதலே ஆதிக்கம் செலுத்திய நவோமி ஒசாகா 6-2 மற்றும் 6-4 என்ற நேர் செட் கணக்கில் எளிதில் வெற்றி பெற்று 3-வது சுற்றுக்கு தகுதி பெற்றுள்ளார்.
இவர் 3-வது சுற்றில் அமெரிக்க வீராங்கனை ஹெய்லி பாப்டிஸ்ட் உடன் பலப்பரீட்சை நடத்த உள்ளார்.
