தென் ஆப்பிரிக்கா - பாகிஸ்தான் 3வது டி20: மழையால் போட்டி ரத்து

சென்சூரியன்,

பாகிஸ்தான் கிரிக்கெட் அணி தென் ஆப்பிரிக்காவில் சுற்றுப்பயணம் மேற்கொண்டு மூன்று டி20, 3 ஒருநாள் மற்றும் இரண்டு டெஸ்ட் போட்டிகளில் விளையாடி வருகிறது. இதில் முதலில் டி20 தொடர் நடந்து வருகிறது. இரு அணிகளுக்கும் இடையிலான முதல் 2 டி20 போட்டிகளிலும் தென் ஆப்பிரிக்கா வெற்றி பெற்று 2-0என தொடரை கைப்பற்றியுள்ளது.

இந்த நிலையில் இரு அணிகளுக்கும் இடையேயான 3வது டி20 போட்டி நேற்று நடைபெற இருந்தது .இந்த நிலையில் ஜோகன்னஸ்பர்க் பகுதியில் மழை பெய்தது . இதனால் போட்டிக்கான டாஸ் போடுவதில் தாமதம் ஏற்பட்டது. மழை விடாமல் தொடர்ந்து பெய்தது. இதனால் போட்டி ரத்து செய்யப்படுவதாக நடுவர்கள் அறிவித்தனர் .