புரோ கபடி லீக்: யு.பி.யோத்தா அணியை வீழ்த்தி ஜெய்பூர் பிங்க் பாந்தர்ஸ் வெற்றி..!

ஐதராபாத்,

12 அணிகளுக்கு இடையிலான 9-வது புரோ கபடி போட்டி பெங்களூருவில் கடந்த மாதம் 7-ம் தேதி தொடங்கியது. 2-வது கட்டமாக இந்த போட்டிகள் புனேவில் நடைபெற்று வந்த நிலையில் அடுத்த கட்டமாக இந்த தொடர் தற்போது ஐதராபாத்தில் நடைபெற்று வருகிறது.

இந்த நிலையில் ஐதராபாத்தில் இன்று நடைபெற்ற முதல் போட்டியில் யு.பி.யோத்தா-ஜெய்பூர் பிங்க் பாந்தர்ஸ் அணிகள் மோதின. விறுவிறுப்பாக நடைபெற்ற இந்த போட்டியில் ஜெய்பூர் பிங்க் பாந்தர்ஸ் அணி 42-29 என்ற புள்ளி கணக்கில் யு.பி.யோத்தா அணியை வீழ்த்தி வெற்றி பெற்றது.

தொடர்ந்து நடைபெற்று வரும் 2-வது போட்டியில் தெலுங்கு டைட்டன்ஸ்-யு மும்பா அணிகள் மோதி வருகின்றன.