பல்வேறு வகையான ஏணிகள் மற்றும் அவற்றின் பயன்கள்

ஏணிகள் பல்வேறு வடிவங்கள்

கட்டுமானம் என்று எடுத்துக்கொண்டால் அதன் ஒவ்வொரு நிலையிலும் ஏணிகளின் உபயோகம் என்பது இருந்து கொண்டுதான் இருக்கின்றது.அனைத்து வீடுகளிலும் ஏணிகளின் பயன்பாடு இன்றியமையாத ஒன்றாகவே இருக்கின்றது.ஏணி என்பது உலோகம், மரம்,அலுமினியம்,பைபர் கிளாஸ் அல்லது கயிறு ஆகியவற்றின் நிமிர்ந்த இரண்டு நீளங்களுக்கு இடையில் மீண்டும் மீண்டும் வரும் கம்பிகள் அல்லது படிகள் மூலம் உருவாக்கப்பட்ட ஏறும் உபகரணமாகும்.இதனைப் பயன்படுத்தி மேலே ஏறுவதும், கீழே இறங்குவதும் சுலபமாகிறது.பல்வேறு நோக்கங்களுக்காக பயன்படுத்தப்படும் ஏணிகள் பல்வேறு வடிவங்கள் மற்றும் அளவுகளில் வருகின்றன.பல்வேறு வகையான ஏணிகள் மற்றும் அவற்றின் செயல்பாடுகளைப் புரிந்து கொண்டு பணிகளைச் செய்யும் பொழுது அந்த வேலையை விரைவாகவும் பாதுகாப்பாகவும் செய்ய முடிகின்றது.

ஏணிகளின் வகைகள்

படி ஏணி - தொழில்துறையில் பொதுவாக பயன்படுத்தப்படும் ஏணி என்று இதனைச் சொல்லலாம்.ஏறக்குறைய எந்த இடத்திலும் பயன்படுத்தக்கூடிய இந்த ஏணி தனித்துவமானது.அதாவது அதற்கு எந்த விதமான ஆதரவும் தேவையில்லை. இதன் விளைவாக, இந்த ஏணியை ஒரு அறையின் நடுவில் அல்லது ஆதரவு இல்லாத இடங்களில் பயன்படுத்த முடியும். இந்த ஏணிகளை இரண்டு வகைகளாகப் பிரிக்கிறார்கள்.அதாவது முன்புறம் படி இருப்பது போன்று இருக்கும் ஏணிகள் மற்றும் இரண்டு படிகளுடன் கூடிய ஏணிகள்.இந்த ஏணியின் ஒரு பக்கத்தில் உள்ள படிக்கட்டுகள் ஏறுவதற்கு என்றே வடிவமைக்கப்பட்டுள்ளன, மறுபுறம் வெறுமனே ஆதரவிற்காக மட்டுமே உள்ளது.

இரட்டைப் படி ஏணி - இரண்டு புறமும் படிகளுடன் கூடிய இந்த ஏணிகள் மிகவும் பிரபலமானதாகும். இரண்டு புறமும் படிகள் இருப்பதால் எந்த பக்கம் ஏறுவதற்கு வசதியாக இருக்கின்றதோ அந்தப் பக்கம் இருக்கும் படிகளைப் பயன்படுத்தி ஏறலாம். இந்த இரட்டைப் படி ஏணியில் இருவர் ஒரே நேரத்தில் ஏறி வேலையைச் செய்ய முடியும்.

கவலைப்படத் தேவையில்லை

ஸ்டெப்ஸ் ஸ்ட்டூல் - நம் வீடுகளில், குறிப்பாக சமையலறைகளில் பயன்படுத்துவதற்கு மிகவும் ஏற்ற ஏணிகள் என்று இவற்றைச் சொல்லலாம்.இது ஒரு எளிய சிறிய ஏணியாகும், இது மிகவும் உயரமான எதையும் அடைவதற்கு பயன்படுத்தப்படுகின்றது.இவை மடித்து வைத்துக் கொள்ளக் கூடிய வசதியுடன் வருவதால் இதனை வைப்பதற்கான இடம் குறித்து கவலைப்படத் தேவையில்லை.

நேரான ஏணிகள் - இவற்றை ஒற்றை ஏணிகள் என்றும் அழைக்கிறார்கள். இவை அரை-படி ஏணிகளாகும். சுய- ஆதரவு இல்லாமல் இருக்கும் இந்த நேரான ஏணிகளை சுவர் அல்லது ஏதாவது ஒன்றின் மேல் சாய்த்து வைத்து மட்டுமே ஏறமுடியும். இந்த ஏணிகளை எங்கு வேண்டுமானாலும் எடுத்துச் செல்ல முடியும்.ஆனால் அவற்றில் கீல்கள் இல்லாததால், அவை பயன்பாட்டில் இல்லாதபோது குறைந்த இடத்தில் நேராகவோ அல்லது படுக்கை வாக்கிலோ வைத்துக் கொள்ள முடியும்.மூங்கில்களில் மட்டுமே செய்து பயன்படுத்தப்பட்டு வந்த இவை இப்பொழுது இரும்பு, அலுமினியம் போன்ற உலோகங்களிலும் தயாரிக்கப்பட்டு பயன்படுத்தப்பட்டு வருகின்றது.நூலகங்களில் உயரமான இடத்தில் வைக்கப்பட்டிருக்கும் புத்தகங்களை எடுப்பதற்கு இதுபோன்ற ஏணிகளையே பெரும்பாலும் பயன்படுத்துவதைப் பார்க்க முடியும்.

பராமரிப்பு பணிகளுக்கு சிறந்தவை

அவற்றில் சக்கரங்கள் பொருத்தப்பட்டும் பயன்படுத்தப்படுகின்றன.ஒரு திடமான சுவற்றிற்கு எதிராக இந்த நேரான ஏணிகள் ஆதரிக்கப் பட்டாலும், அவற்றிற்கு இரண்டாவது பக்கம் இல்லாததால், ஒரு படி ஏணியை விட சுவற்றிற்கு மிக அருகில் செல்ல உங்களை அனுமதிக்கிறது.இன்றளவும் கட்டுமானப் பணிகளில் குறிப்பாக கூரைஅமைப்பது, வண்ணம் பூசுவது, மின் உபகரணங்களை பொருத்துவது மற்றும் சாக்கடை சுத்தம் போன்ற வெளிப்புற பராமரிப்பு பணிகளுக்கு சிறந்தவையாக பயன்பாட்டில் உள்ளது.

மேடை ஏணிகள் - மேல் படியில் ஒரு தளத்துடன் கூடிய முன் படி ஏணி ஒரு மேடை ஏணி என்று அழைக்கப்படுகிறது.வேலை செய்யும்போது உங்களைப் பாதுகாப்பாக வைத்திருப்பதில் இந்த மேடை ஏணிகள் பெரும் பங்கு வகிக்கின்றன.நீண்ட நேரம் நின்று வேலை செய்வதற்கு மிகவும் ஏற்றதாக இவை இருக்கின்றன. அதிக நேரம் நின்று வேலை செய்தாலும் உங்கள் கால்களில் வலி என்ற பேச்சுக்கே இடம் கொடுக்காத வகையில் இந்த ஏணிகள் செயல்படுகின்றன. நீங்கள் ஒரு வேலையில் இரு கைகளையும் பயன்படுத்த வேண்டும் என்றாலோ அல்லது எந்த பிரச்சனையும் ஏற்படாமல் எல்லா திசைகளிலும் சுழன்று வேலை செய்ய வேண்டும் என்றாலோ இந்த ஏணியைப் பயன்படுத்த பரிந்துரைக்கப்படுகிறது.