ஆயிரங்கண் மாரியம்மன் கோவிலில் பொங்கல் விழா

அருப்புக்கோட்டை,

அருப்புக்கோட்டை புளியம்பட்டி ஆயிரங்கண் மாரியம்மன் கோவில் பொங்கல் விழாவை முன்னிட்டு சூரசம்ஹார நிகழ்ச்சி நடைபெற்றது. கோவில் வளாகத்தில் நடைபெற்ற நிகழ்ச்சியில் சிறப்பு அலங்காரத்தில் எழுந்தருளிய அம்மன் தன்னுடைய சூலாயுதம் கொண்டு சூரனை வதம் செய்தார். முன்னதாக அம்மனுக்கு சிறப்பு அபிஷேகம் செய்யப்பட்டது. இதில் புளியம்பட்டி, வேலாயுதபுரம், திருநகரம், வெள்ளக்கோட்டை நெசவாளர் காலனி, பாளையம்பட்டி மற்றும் அதன் சுற்றுவட்டார பகுதிகளை சேர்ந்த திரளான பக்தர்கள் கலந்து கொண்டு சாமி தரிசனம் செய்தனர்.