வாலிபரை தாக்கி மோட்டார் சைக்கிள்கள் சேதம்

விழுப்புரம்

விழுப்புரம் அருகே உள்ள கப்பூரை சேர்ந்தவர் காளி மகன் அருண்குமார் (வயது 21). இவர் விழுப்புரத்தில் உள்ள ஒரு தனியார் நிதி நிறுவனத்தில் கடன் தவணையை வசூலிக்கும் முகவராக பணியாற்றி வருகிறார். மேலும் அவர் 2 மோட்டார் சைக்கிள்களை வாங்கி ஓட்டி வந்ததை பொறுத்துக்கொள்ள முடியாத அதே கிராமத்தை சேர்ந்த கமலக்கண்ணன் மகன்கள் கிருஷ்ணன், புண்ணியமூர்த்தி, இவருடைய மனைவி ஆஷா, பாண்டியன் மகன் ஆனந்தன், மார்கண்டேயன் மகன் கலையரசன், குருமூர்த்தி மகன் ஆனந்தபிரபு, கிருஷ்ணன் மகன் பவேஷ் ஆகிய 7 பேரும் சேர்ந்து அருண்குமாரை திட்டி தாக்கி அவரது 2 மோட்டார் சைக்கிள்களையும் சேதப்படுத்தி விட்டனர். இதுகுறித்து அருண்குமார், காணை போலீஸ் நிலையத்தில் புகார் செய்தார். அதன்பேரில் கிருஷ்ணன் உள்ளிட்ட 7 பேர் மீதும் போலீசார் வழக்குப்பதிவு செய்து விசாரணை நடத்தி வருகின்றனர்.