மேம்படுத்தப்பட்ட ஹோண்டா ஹைனெஸ் சி.பி 350., சி.பி 350.ஆர்.எஸ்.

நிறுவன விற்பனையாளர்களில் பிரீமியம் மாடல்களை விற்பனை செய்யும் பிக்விங் விற்பனையாளர்களிடம் இந்த மாடல் மோட்டார் சைக்கிள்கள் விற்பனை செய்யப்படும்.

இவை 350 சி.சி. திறன் கொண்ட ஏர் கூல்டு 4 ஸ்டிரோக் ஒற்றை சிலிண்டர் என்ஜினைக் கொண்டவை. இந்த இரண்டு மாடலிலும் ஓ.பி.டி 2.பி. எனப்படும் மேம்பட்ட தொழில்நுட்பம் புகுத்தப்பட்டுள்ளது. வாகனத்தில் ஏற்படும் பழுதுகளை சுயமாக உடனுக்குடன் உணர்த்தும் நுட்பமே ஓ.பி.டி 2.பி. எனப்படுவதாகும். இதற்கென இதில் பி.ஜி.எம். எப்.ஐ. தொழில்நுட்பம் கொண்ட என்ஜின் பொருத்தப்பட்டுள்ளது.

இது 30 நியூட்டன் மீட்டர் டார்க் இழுவிசையை 3 ஆயிரம் ஆர்.பி.எம். சுழற்சியில் வெளிப்படுத்தும் திறன் கொண்டதாகும். இது ஸ்லிப்பர் கிளட்ச் வசதி கொண்டது. இதனால் கியர் மாற்றுவது மிக எளிதாக உள்ளது. இரண்டு மாடலிலும் தலா 3 வேரியன்ட்கள் (டி.எல்.எக்ஸ்., டி.எல்.எக்ஸ். புரோ, டி.எல்.எக்ஸ். புரோ குரோம்) வந்துள்ளன.

சி.பி. 350 மாடல் விற்பனையக விலை சுமார் ரூ.2,09,857. சி.பி 350 ஆர்.எஸ். மாடல் விற்பனையக விலை சுமார் ரூ.2,14,856.