அந்தமான் நிக்கோபர் தீவில் திடீர் நிலநடுக்கம் - ரிக்டர் அளவில் 4.0 ஆக பதிவு

அந்தமான் நிக்கோபர்,

அந்தமான் நிக்கோபர் தீவில் நேற்று இரவு திடீர் நிலநடுக்கம் ஏற்பட்டது. இந்த நிலநடுக்கம் ரிக்டர் அளவுகோலில் 4.0 ஆக பதிவானதாக தேசிய நில அதிர்வு மையம் தெரிவித்துள்ளது.

இந்த நிலநடுக்கம் நேற்று இரவு 11:56 மணியளவில் அந்தமான் நிக்கோபர் தீவின் கிழக்கு வடகிழக்கில் போர்ட்பிளேர் பகுதியில் இருந்து 140 கிலோமீட்டர் தொலைவில் 28 கிலோ மீட்டர் ஆழத்தில் ஏற்பட்டதாக தேசிய நில அதிர்வு மையம் தெரிவித்துள்ளது.

இந்த நிலநடுக்கத்தால் ஏற்பட்ட சேதங்கள் குறித்த விவரங்கள் எதுவும் உடனடியாக வெளியாகவில்லை.