இன்ஸ்டாகிராமில் அதிகம் லைக் செய்யப்பட்ட இந்தியரின் பதிவு - விராட் கோலியின் புதிய சாதனை

புதுடெல்லி,

இந்தியா- தென் ஆப்பிரிக்கா அணிகளுக்கு இடையிலான டி20 உலகக் கோப்பை இறுதிப் போட்டியில் 7 ரன் வித்தியாசத்தில் திரில் வெற்றி பெற்று இந்திய அணி சாம்பியன் பட்டம் வென்றது. டி20 உலகக் கோப்பை கிரிக்கெட் தொடர் அறிமுகமான 2007-ல் இந்தியா சாம்பியன் பட்டம் வென்றது. அதன்பின் இந்தியா டி20 உலகக் கோப்பையை வெல்ல முடியாமல் இருந்தது. இந்த நிலையில் 17 வருடத்திற்குப் பிறகு இந்திய அணி 2-வது முறையாக சாம்பியன் பட்டம் வென்றது.

இந்நிலையில், டி20 உலக கோப்பை வெற்றி தொடர்பான விராட் கோலி இன்ஸ்டாகிராமில் பதிவிட்டார். இந்த பதிவு இன்ஸ்டாகிராமில் அதிகம் லைக் செய்யப்பட்ட இந்தியரின் பதிவு என்ற சாதனையை படைத்துள்ளது. 17 மில்லியன் லைக்குகளுடன் கோலியின் பதிவு சாதனையை படைத்துள்ளது.

View this post on Instagram

A post shared by Virat Kohli (@virat.kohli)

இதற்கு முன்பு, இந்தியாவில் இன்ஸ்டாகிராம் பதிவில் அதிகம் லைக் செய்யப்பட்ட போஸ்ட் என்ற பெருமையை கியாரா, சித்தார்த்தின் திருமணப் பதிவு பெற்றிருந்தது. தற்போது நடிகை கியாராவின் திருமண பதிவு 16.26 மில்லியன் லைக்குகளுடன் 2வது இடத்தில் உள்ளது.