ஆப்கானிஸ்தானில் பேருந்து பள்ளத்தில் கவிழ்ந்து விபத்து - 17 பேர் உயிரிழப்பு

காபுல்,

ஆப்கானிஸ்தானின் பாக்லான் மாகாணத்தில் உள்ள கின்ஜான் மாவட்டத்தில் இன்று காலை பயணிகள் பேருந்து ஒன்று பள்ளத்தாக்கில் கவிழ்ந்து விபத்திற்குள்ளானது. இந்த விபத்தில் 3 குழந்தைகள், 2 பெண்கள் உள்பட மொத்தம் 17 பயணிகள் உயிரிழந்தனர்.

மேலும் 34 பேர் இந்த விபத்தில் காயமடைந்துள்ளனர். அவர்கள் மருத்துவமனையில் அனுமதிக்கப்பட்டு சிகிச்சை பெற்று வருகின்றனர். ஓட்டுநரின் கவனக்குறைவு காரணமாக இந்த விபத்து ஏற்பட்டதாக முதற்கட்ட விசாரணையில் தகவல் வெளியாகியுள்ளது குறிப்பிடத்தக்கது.