தமிழ்நாட்டில் இன்று 34 பேருக்கு கொரோனா

சென்னை,

தமிழ்நாட்டில் இன்று ஒரே நாளில் 34 பேர் கொரோனா பாதிப்புக்கு உள்ளாகியிருக்கிறார்கள். இதில், 18 ஆண்கள் மற்றும் 16 பெண்கள் அடங்குவார்கள். அதிகபட்சமாக கோவையில் 8 பேருக்கும் சென்னையில் 6 பேர் உள்பட மொத்தம் 15 மாவட்டங்களில் பாதிப்பு கண்டறியப்பட்டுள்ளது. அதே சமயத்தில் 23 மாவட்டங்களில் பாதிப்பு ஏற்படவில்லை. இதேபோல தமிழகத்தில் கடந்த சில நாட்களை போன்று உயிரிழப்பு எதுவும் இல்லை. மேற்கண்ட தகவல் மக்கள் நல்வாழ்வுத் துறை வெளியிட்ட செய்திக்குறிப்பில் கூறப்பட்டுள்ளது.