சூரிய மின்சக்தியில் தமிழ்நாடு புதிய சாதனை - ஒரே நாளில் 5,979 மெகாவாட் மின்சாரம் உற்பத்தி

சென்னை,

சூரிய மின்சக்தியில் தமிழ்நாடு புதிய சாதனை படைத்துள்ளதாக தமிழ்நாடு மின்சார வாரியம் தெரிவித்துள்ளது. இது தொடர்பாக மின்சார வாரியம் வெளியிட்டுள்ள அறிக்கையில், தமிழ்நாட்டில் 09.08.2024(நேற்று) ஒரே நாளில் 5,979 மெகாவாட்(MW) மின்சாரம் உற்பத்தி செய்யப்பட்டுள்ளதாக தெரிவிக்கப்பட்டுள்ளது.

இது முந்தைய சாதனையான 5,704 மெகாவாட்டை (02.08.2024) விஞ்சியுள்ளது. மேலும், 41.40 மில்லியன் யூனிட்(MU) மின்சாரம் அதிகபட்சமாக மின் கட்டமைப்பில் உட்கொள்ளப்பட்டுள்ளது. இது புதுப்பிக்கத்தக்க எரிசக்தியில் தமிழ்நாட்டின் முதன்மையை உறுதிப்படுத்துகிறது என மின்சார வாரியம் தெரிவித்துள்ளது.