குடிநீர் கேட்டு பொதுமக்கள் சாலை மறியல்

புதுக்கோட்டை மாவட்டம், கீரமங்கலம் அருகில் உள்ள நகரம் கிராமத்தின் ஒரு குடியிருப்பு பகுதிக்கு முறையாக குடிநீர் வினியோகம் செய்யப்படவில்லை என்று கூறப்படுகிறது. இதனால் இப்பகுதி மக்கள் குடிநீர் கேட்டு, காலிக்குடங்களுடன் கீரமங்கலம் சாலையில் திடீர் சாலை மறியலில் ஈடுபட்டனர். இதுகுறித்து தகவல் அறிந்து சம்பவ இடத்திற்கு வந்த கீரமங்கலம் போலீசார் மற்றும் ஊராட்சி நிர்வாகத்தினர் சாலை மறியலில் ஈடுபட்டவர்களிடம் பேச்சுவார்த்தை நடத்தினர். இதில் உடன்பாடு ஏற்பட்டதை தொடர்ந்து பொதுமக்கள் கலைந்து சென்றனர். இதனால் அப்பகுதியில் சிறிது நேரம் போக்குவரத்து பாதிக்கப்பட்டது.