சேதுபாவாசத்திரம் கடைமடை பகுதியில் வறண்டு வரும் ஏரி, குளங்கள்

சுட்டெரிக்கும் வெயிலால் சேதுபாவாசத்திரம் கடைமடை பகுதியில் ஏரி, குளங்கள் வறண்டு வருகின்றன. இதனால் நிலத்தடி நீர்மட்டம் குறைய வாய்ப்பு உள்ளது.

சுட்டெரிக்கும் வெயில்

கடந்த 2 ஆண்டுகளாக சேதுபாவாசத்திரம் கடைமடையில் வெள்ள சேதம் ஏற்படும் அளவிற்கு மழை பெய்து ஏரி, குளங்கள் அனைத்தும் நிரம்பின. இதனால் கடந்த 2 ஆண்டாக ஏரி பாசன சாகுபடி சிறப்பாக நடைபெற்றது. மேலும் நிலத்தடி நீர்மட்டம் 10 அடிக்கு உயர்ந்தது. கடந்த 3 மாதங்களாகவே கடைமடையில் மழை பெய்யவில்லை. தற்போது கடந்த 1 மாதமாக கடைமடையில் கோடை வெயில் சுட்டெரித்து வருகிறது.

நிலத்தடி நீர்மட்டம் குறையவாய்ப்பு

இதனால் நாள் ஒன்றுக்கு ஏரி, குளங்களில் 2 அடி முதல் 5 அடிவரை தண்ணீர் குறைந்து வருகிறது. மேலும் சிறிய குளம் முதல் பெரிய ஏரி வரை தண்ணீர் இன்றி வறண்டு காணப்படுகிறது. இந்த ஆண்டும் மழையின்றி காணப்பட்டால் ஆழ்குழாய் கிணறுகளில் 10 அடியாக உள்ள நிலத்தடி நீர்மட்டம் வெகுவாக குறைய வாய்ப்புள்ளது.