கலெக்டரிடம் விவசாயிகள் மனு

தமிழக விவசாயிகள் சங்க (பால் வளம்) மாநில செயலாளர் பெரியண்ணன் தலைமையில் சிலர் பால் கொள்முதல் விலையை உயர்த்த வலியுறுத்தி நேற்று கலெக்டர் அலுவலக அதிகாரிகளிடம் மனு கொடுத்தனர். பின்னர் அவர் நிருபர்களிடம் கூறியதாவது:-

தமிழகத்தில் ஒரு லிட்டர் பால் ரூ.32-க்கு கொள்முதல் செய்யப்படுகிறது. மற்ற மாவட்டங்களில் ரூ.40 முதல் ரூ.45 வரை கொள்முதல் செய்கின்றனர். இதனால் தமிழக பால் உற்பத்தியாளர்கள் பாதிப்புக்குள்ளாகி உள்ளனர். எனவே ஒரு லிட்டர் பசும்பால் ரூ.42, எருமைப்பால் ரூ.55-க்கு கொள் முதல் செய்ய வேண்டும். பால் கொள்முதல் விலையை உயர்த்தாவிட்டால் விரைவில் ஆவின் அலுவலகம் முன்பு போராட்டம் நடத்தப்படும். இவ்வாறு அவர் கூறினார்.