மாவட்ட திட்டக்குழு உறுப்பினர் தேர்தல்: தி.மு.க. கவுன்சிலர்கள் 12 பேர் வெற்றி

புதுக்கோட்டை மாவட்ட திட்டக்குழு உறுப்பினர்கள் 12 பேரை தேர்ந்தெடுப்பதற்கான தேர்தல் நேற்று நடைபெற்றது. இதில் மாவட்ட ஊராட்சி வார்டு உறுப்பினர்களில் தேர்தலில் 10 இடங்களுக்கு தி.மு.க. கவுன்சிலர்கள் 10 பேரும், அ.தி.மு.க. கவுன்சிலர்கள் 3 பேரும் போட்டியிட்டனர். இதில் தி.மு.க. கவுன்சிலர்கள் 10 பேர் அதிக வாக்குகளை பெற்று வெற்றி பெற்றனர்.

இதேபோல் நகராட்சி, பேரூராட்சி வார்டு கவுன்சிலர்களில் 2 இடங்களுக்கு தி.மு.க. கவுன்சிலர்கள் 2 பேர் ஏற்கனவே போட்டியின்றி தேர்ந்தெடுக்கப்பட்டனர் என்பது குறிப்பிடத்தக்கது. இதைத்தொடர்ந்து திட்டக்குழு உறுப்பினர்கள் தேர்தலில் தி.மு.க. கவுன்சிலர்கள் 12 பேர் வெற்றி பெற்றுள்ளனர்.