டாஸ்மாக் சூப்பர்வைசருக்கு கத்திக்குத்து

பூதிப்புரம் அருகே உள்ள ஆதிபட்டியை சேர்ந்தவர் கருப்பையா (வயது 54). டாஸ்மாக் சூப்பர்வைசர். இந்த நிலையில் வேலை முடிந்து, மோட்டார் சைக்கிளில் வீட்டுக்கு சென்று கொண்டிருந்தார். அப்போது வீரபாண்டி அருகே உப்புக்கோட்டை -தேனி சாலையில் போடேந்திரபுரம் முனீஸ்வரன் கோவில் பகுதியில் மோட்டார் சைக்கிளில் வந்த 3 பேர், அவரை வழிமறித்து தகராறு செய்தனர். பின்னர் அவர்கள் கத்தியால் கருப்பையாவை குத்தி விட்டு, மோட்டார் சைக்கிளில் தப்பி சென்றனர். இது குறித்து கருப்பையா கொடுத்த புகாரின்பேரில் வீரபாண்டி போலீசார் வழக்குப்பதிவு செய்து, தப்பி சென்ற மர்ம நபர்களை வலைவீசி தேடி வருகின்றனர்.